ວິທີເຮັດອົບເປັດແບບອາຫານລາວພື້ນບ້ານ
ວັດຖຸດິບ
- ເປັດ 1 ໂຕ ຫຼື ປະມານ 1–1.5 ກິໂລ
- ນ້ຳປາ 2–3 ບ່ວງ
- ເກືອ 1 ບ່ວງຊາ
- ຜົງປຸງລົດ 1-2 ບ່ວງຊາ
- ນໍ້າຕານ 1/4 ບ່ວງຊາ
- ກະທຽມ 5-6 ກີບ
- ຫອມແດງ 3-4 ຫົວ
- ຂ່າ 1 ແໜ່ງ (ຕາມຄວາມມັກ)
- ຫົວສີໃຄ 2 ຫົວ
- ໝາກເຜັດຕາມຄວາມມັກ
- ໃບໝາກຂີ້ຫູດ 3-4 ໃບ
- ຜັກຫອມປ້ອມ 2-3 ຕົ້ນ
- ຫອມບົ່ວຝບ 2-3 ຕົ້ນ
- ນ້ຳມັນເລັກໜ້ອຍ
ວິທີເຮັດ
- ລ້າງເປັດໃຫ້ສະອາດ ແລ້ວຕັດເປັນຕ່ອນນ້ອຍ ພໍດີກິນ.
- ຕຳກະທຽມ, ຫອມບົວ, ຂ່າ, ຫົວສີໃຄ ແລະ ໝາກເຜັດໃຫ້ພໍລະອຽດ.
- ຕັ້ງໝໍ້ ແລະ ໃສ່ນໍ້າມັນໃຫ້ມັນຮ້ອນ
- ຈາກນັ້ນນຳສ່ວນປະສົມທີ່ກຽມໄວ້ນັ້ນນໍາມາຂົ້ວໃຫ້ມີກິ່ນຫອມ
- ໃສ່ຊີ້ນເປັດທີ່ກຽມໄວ້ນັ້ນລົງໄປຂົ້ວກັບເຄື່ອງຄຽງ, ຕື່ມເກືອ, ນໍ້າປາດ ຜົງປຸງລົດ, ນໍ້າຕານ ແລະ ໃສ່ນໍ້າ ເພື່ອຕົ້ມໄວ້ໃຫ້ຊີ້ນເປັດມີຄວາມນຸ້ມ.
- ສຶບຕໍ່ຕົ້ມປະມານ 20-30 ນາທີ.
- ຈາກນັ້ນນໍາເອົາຫອມບົ່ວ, ຫອມປ້ອມ ແລະ ໃບຂີ້ຫູດທີ່ຊອຍໄວ້ແລ້ວນັ້ນລົງໄປ ແລະ ຕົ້ມອີກປະມານ 2-3 ນາທີເພື່ອໃຫ້ມີກິ່ນຫອມ.
- ເມື່ອເປັດສຸກດີ ແລະ ຜິວດ້ານນອກເຫຼືອງ, ມີກິ່ນຫອມ ໃຫ້ຊີມເບິ່ງວ່າໄດ້ລົດຊາດຕາມທີ່ຕ້ອງການແລ້ວບໍ.
