ການປູກໝາກແໜ່ງ

ການກະກຽມດິນ: 
  –  ອະນາໄມພື້ນທີ່ເພື່ອປູກໃຫ້ສະອາດ. 
  –  ຖາງຫຍ້າ, ຕັດໄມ້ບາງສ່ວນອອກຖ້າເປັນໄປໄດ້ກໍຄວນໄຖ. 
  –  ຂຸດຂຸມ 1×1 ມ ໂດຍການໃຊ້ຈົກ ຫຼື ສຽມຂຸດເປັນຂຸມ, ເລິກ 5-10 ຊມ. 
ວິທີການປູກ: ເອົາໜໍ່ ຫຼື ແໜງ ຫຼື ແກ່ນໝາກແໜ່ງມາປູກ. 
ການບົວລະບັດ: ຫຼັງຈາກປູກແລ້ວຕ້ອງໄດ້ເອົາໃຈໃສ່ຖາງຫຍ້າຈົນກວ່າຕົ້ນໝາກແໜ່ງຈະຂະຫຍາຍຕົວ, ໃນລະຫວ່າງ 2-3 ປີທໍາອິດລະວັງບໍ່ໃຫ້ສັດເຂົ້າມາລົບກວນ ຫຼື ສ້າງຮົ້ວອ້ອມສວນໄວ້. 
ການເກັບກ່ຽວ: ຄວນແຍກການເກັບກ່ຽວເປັນ 2-3 ລະດູຄືເລືອກເກັບສະເພາະໝາກແກ່ເທົ່ານັ້ນທັງນີ້ກໍເພື່ອໃຫ້ຜົນຜະລິດມີຄຸນນະພາບດີ, ມີລາຄາສູງ ແລະ ເປັນທີ່ຕ້ອງການຂອງຕະຫຼາດ, ຄວນລະມັດລະວັງເວລາຍ່າງຕາມຫວ່າງຂອງຕົ້ນໝາກແໜ່ງເພື່ອປິດເອົາຫມາກທີ່ສຸກແກ່ດີ. 
ການເກັບຮັກສາ: ການອົບ ຫຼື ຕາກແຫ້ງແລ້ວກໍເກັບຮັກສາໄວ້ໃນຖົງປ່ານ ຫຼື ຖົງປຸ໋ຍບ່ອນທີ່ມີອາກາດຖ່າຍເທດີ, ບໍ່ຊຸ່ມ ແລະ ບໍ່ມີສັດມາທໍາລາຍ. 
ຄຸນປະໂຫຍດ: ເພື່ອຂາຍເປັນສິນຄ້າສົ່ງອອກ.

ຂໍ້ມູນຈາກ: ປື້ມເນື້ອໃນຄູ່ມືເຝິກອົບຮົມການຜະລິດກະສິກໍາຂອງສະຖານການສຶກສາ