ໝາກເລັ່ນສຸກ ມີວິຕາມິນທີ່ມີປະໂຫຍດຕໍ່ຮ່າງກາຍສູງທັ້ງ ວິຕາມິນເອ, ວິຕາມິນບີ, ວິຕາມິນຊີ, ວິຕາມິນເຄ ແລະ ວິຕາມິນອື່ນໆ ໂດຍສະເພາະວິຕາມິນເອນັ້ນມີສູງຫຼາຍ🍅
ວັດຖຸດິບ
- ໝາກເລັ່ນສຸກ 5–6 ໜ່ວຍ
- ນ້ຳສະອາດ 200–300 ມິລີລິດ
- ນ້ຳເຜິ້ງ ຫຼື ນ້ຳຕານ (ຕາມຄວາມມັກ)
- ເກືອ ເລັກນ້ອຍ
ວິທີເຮັດ
- ລ້າງໝາກເລັ່ນໃຫ້ສະອາດ.
- ລວກໝາກເລັ່ນ ໃນນ້ຳຮ້ອນປະມານ 1–2 ນາທີ ແລ້ວນຳລົງນ້ຳເຢັນ ເພື່ອປອກເປືອກໄດ້ງ່າຍ.
- ປອກເປືອກ ແລະ ຫັ່ນເປັນຕ່ອນ.
- ນຳໄປປັ່ນກັບນ້ຳສະອາດຈົນລະອຽດ.
- ກອງຜ່ານຕາໜ່າງລະອຽດ (ຖ້າຕ້ອງການເນື້ອນຽນ).
- ຈາກນັ້ນນໍາໄປຕົ້ມປະມານ 10-15 ນາທີ ແລ້ວປຸງລົດດ້ວຍນ້ຳຕານ ແລະ ເກືອເລັກນ້ອຍ.
- ຈາກນັ້ນກໍສາມາດນໍາມາດື່ມໄດ້ທັງແບບອຸ່ນ ຫຼື ແບບເຢັນໄດ້.
