ທີມງານຂອງພວກເຮົາ

My work focuses on various aspects of sustainable land systems. Since 2007, I’ve held management roles at the Centre for Development and Environment (CDE) at the University of Bern. Currently, I coordinate agroecology and agrobiodiversity projects in Laos, where I am based part-time. My work spans international research, capacity building, and project leadership, with a focus on sustainability in Asia and Africa.

ແອນດີ່ ສຸວັນພັກດີ ມີ​ຄວາມ​ມຸ່ງ​ໝັ້ນ​ທີ່​ຈະ​ຕັ້ງ​ໃຈ​ປະກອບສ່ວນເຂົ້າໃນວຽກງານການ​ພັດ​ທະ​ນາ​ເສດ​ຖະ​ກິດ​ຄຽງຄູ່ໄປກັບຄວາມຍຶນຍົງ. ດ້ວຍພື້ນຖານຄວາມຮູ້ທາງດ້ານການເງິນ ແລະ ບໍລິຫານທຸລະກິດ, ຂ້າພະເຈົ້າໄດ້ນຳເອົາຄວາມຮູ້ທາງວິຊາການ ແລະ ປະສົບການຕົວຈິງມາປະກອບເຂົ້າໃນໜ້າທີ່ເພື່ອເປັນຜູ້ຊ່ວຍໂຄງການພາເຂົ້າລາວ. ຄວາມມັກຮັກໃນບັນຫາສິ່ງແວດລ້ອມເຮັດໃຫ້ຂ້ອຍປະກອບສ່ວນຢ່າງຈິງຈັງຜ່ານວຽກງານອາສາສະໝັກ ແລະ ການຝຶກງານກັບໂຄງການ ແລະ ອົງການຈັດຕັ້ງຕ່າງໆ. ໂດຍໄດ້ຮັບແຮງບັນດານໃຈຈາກການເຂົ້າຮ່ວມໂຄງການຜູ້ນໍາດ້ານຊີວະນາໆພັນໄວໜຸ່ມອາຊຽນ ໃນປີ 2020, ຂ້າພະເຈົ້າແມ່ນມີຄວາມສົນໃຈໃນການຄຸ້ມຄອງຊັບພະຍາກອນທໍາມະຊາດແບບຍືນຍົງ ຕ້ອງການທີ່ສຶກສາຄົ້ນຄວ້າ ແລະ ແລກປ່ຽນຂໍ້ມູນຄວາມຮູ້ໃຫ້ນັບມື້ນັບຫຼາຍຂຶ້ນ ດ້ວຍທັກສາທາງດ້ານພາສາ ເຊິ່ງເປັນສິ່ງສຳຄັນທີ່ຊ່ວຍເພີ່ມຄວາມສາມາດໃນການເຮັດວຽກຮ່ວມກັນຢ່າງມີປະສິດທິພາບໃນວັດທະນະທຳທີ່ແຕກຕ່າງ.

ຂ້ອຍມີຄວາມກະຕືລືລົ້ນໃນການສົ່ງເສີມຊີວະນາໆພັນກະສິກຳ. ຢູ່ CDE, ຂ້ອຍສ້າງເນື້ອຫາສື່ທີ່ມີສ່ວນຮ່ວມ ແລະ ເຄື່ອງມືການສື່ສານສຳລັບພາເຂົ້າລາວ. ຂ້າພະເຈົ້າຍັງໄດ້ປະກອບສ່ວນເຂົ້າໃນຖານຂໍ້ມູນໂດຍການຮວບຮວມ ແລະ ປະສົມປະສານຂໍ້ມູນກ່ຽວກັບຊະນິດພັນ ແລະ ຊີວະນາໆພັນກະສິກຳ. ຂ້ອຍສົ່ງເສີມການໂຄສະນາເຜີຍແພ່ປູກຈິດສໍານຶກສໍາລັບການອະນຸຮັກ ແລະ ການນໍາໃຊ້ຊັບພະຍາກອນທີ່ມີຄຸນຄ່ານີ້ຢ່າງຍືນຍົງ. ຈາກປະສົບການທາງພາກສະໜາມຢູ່ນະຄອນຫຼວງວຽງຈັນ, ຄຳມ່ວນ ແລະ ຊຽງຂວາງ ໄດ້ຊ່ວຍສະໜອງຄວາມເຂົ້າໃຈອັນລ້ຳຄ່າສຳລັບວຽກງານຂອງຂ້ອຍຢູ່ CDE.

ວຽກງານຂອງຂ້ອຍຢູ່ CDE ແມ່ນເນັ້ນໃສ່ຊີວະນາໆພັນກະະສິກຳລາວ. ຂ້າ​ພະ​ເຈົ້າ​ຄຸ້ມ​ຄອງ​ຖານ​ຂໍ້​ມູນ​ພາເຂົ້າ​ລາວ, ເກັບ​ກຳ​ຂໍ້​ມູນ​ກ່ຽວ​ກັບ​ຊະ​ນິດ​ພືດ, ສັດ ແລະ ເຫັດ. ຂ້າພະເຈົ້າຍັງພັດທະນາເນື້ອໃນການສຶກສາສໍາລັບຖານຂໍ້ມູນ ແລະ ສົ່ງເສີມການໂຄສະນາປູກຈິດສໍານຶກ, ການອະນຸລັກ ແລະ ການນໍາໃຊ້ຊັບພະຍາກອນທີ່ມີຄຸນຄ່ານີ້ຢ່າງຢືນຍົງ. ຈາກປະສົບການທາງພາກສະໜາມຢູ່ນະຄອນຫຼວງວຽງຈັນ, ຄຳມ່ວນ ແລະ ຊຽງຂວາງ ເຮັດໃຫ້ຂ້ອຍສາມາດປະກອບສ່ວນຄວາມຮູ້ພື້ນຖານເຂົ້າໃນວຽກງານທີ່ສຳຄັນຂອງ CDE.

ຂ້ອຍເປັນຜູ້ຊ່ຽວຊານດ້ານຖານຂໍ້ມູນ ແລະ GIS ທີ່ມີປະສົບການຫຼາຍກວ່າ 18 ປີ ໃນຂົງເຂດວຽກງານໂຄງການພັດທະນາໃນລາວ. ຕະຫຼອດອາຊີບຂອງຂ້ອຍ, ແມ່ນໄດ້ມີບົດບາດສຳຄັນໃນການສ້າງ ແລະ ຄຸ້ມຄອງລະບົບຂໍ້ມູນຂ່າວສານໃຫ້ແກ່ອົງການຈັດຕັ້ງຕ່າງໆ ລວມທັງລັດຖະບານລາວ ແລະ ອົງການຈັດຕັ້ງສາກົນ. ຂ້ອຍມີຄວາມຊ່ຽວຊານໃນການວິເຄາະຂໍ້ມູນ, ພັດທະນາຖານຂໍ້ມູນ, ແລະ ຝຶກອົບຮົມໃຫ້ແກ່ຜູ້ນຳໃຊ້. ຢູ່ CDE, ຂ້າພະເຈົ້າໄດ້ປະກອບສ່ວນເຂົ້າໃນໂຄງການເຊັ່ນ: ລະບົບຂໍ້ມູນການເຊົ່າ ແລະ ສໍາປະທານທີ່ດິນຂອງລາວ (LCIS) ແລະ ໂຄງການ K4D, ການພັດທະນາຖານຂໍ້ມູນອອນໄລນ ແລະ ຝຶກວິທີການນໍາໃຊ້ໃຫ້ແກ່ພະນັກງານຂອງລັດຖະບານກ່ຽວກັບການຄຸ້ມຄອງຂໍ້ມູນ. ຂ້ອຍມີຄວາມຕ້ອງການທີ່ຈະນຳໃຊ້ເຕັກໂນໂລຍີເຂົ້າໃນການສົ່ງເສີມວຽກງານເພື່ອການພັດທະນາແບບຍືນຍົງໃນລາວ.

ຫົວໜ້າສູນຂໍ້ມູນຂ່າວສານ, NAFRI ປະສົບການ ໃນການຄຸ້ມຄອງຂໍ້ມູນຂ່າວສານ ແລະ ການຖ່າຍທອດຄວາມຮູ້ ຫຼາຍກວ່າ 8 ປີ. ມັກຮັກໃນການປຸ່ງແຕ່ງ ແລະ ບໍລິໂພກອາຫານລາວ ໂດຍສະເພາະແມ່ນ “ເອາະຫຼາມ” (ເອາະຜັກໃສ່ຊີ້ນ ຫຼື ໜັງຄວາຍ) ເຊິ່ງເປັນອາຫານທີ່ໄດ້ຮັບຄວາມນິຍົມ ແລະ ດີຕໍ່ສຸຂະາບ.

ຈົບປະລິນຍາຕີ ວິສະວະກຳຄອມພິວເຕີ ຈາກມະຫາວິທະຍາໄລແຫ່ງຊາດ, ປັດຈຸບັນຮັບຜິດຊອບວຽກງານດ້ານໄອທີ ແລະ ເປັນນັກ ພັດທະນາເວັບໄຊສສໍາລັບສູນຂໍ້ມູນຂ່າວສານກະສິກໍາ ແລະ ປ່າໄມ້ (CIC), NAFRI, MAF. ໄດ້ເຂົ້າຮ່ວມກັບທີມງານພາເຂົ້າລາວ ຕັ້ງແຕ່ເດືອນມິຖຸນາ ປີ 2017 ຖືໄດ້ວ່າເປັນທີມງານອາວຸໂສຂອງຖານຂໍ້ມູນ

ຂ້າພະເຈົ້າຊ່ວຍປະສານງານປະຈໍາພາກລັດ ລວມເຖິງຮ່ວມປະກອບສ່ວນການຜະລິດຂໍ້ມູນ ແລະເນື້ອຫາຂອງຜະລິດຕະພັນຕ່າງໆທີ່ຜະລິດຂຶ້ນໃນລະບົບຖານຂໍ້ມູນເຂົ້າລາວ