ສ່ວນປະກອບ:
- ຊີ້ນໝູ 3 ຊັ້ນ 4 ຂີດ
- ຫົວປີກ້ວຍນໍ້າ 1 ຫົວ
- ຖົ່ວດິນ 2 ບ່ວງແກງ
- ໝາກເຜັດຂີ້ໝູ 4 ໜ່ວຍ
- ໝາກເຜັດປົ່ນ 1 ບ່ວງກາເຟ
- ຫອມບົ່ວໃບ 3 ຕົ້ນ
- ຫອມປ້ອມ 5 ຕົ້ນ
- ຄະນໍຜົງ(ລົດໝູ) 2 ບ່ວງກາເຟ
- ນໍ້າປາ 1 ບ່ວງເຄິ່ງ
- ເກືອ ½ ບ່ວງກາເຟ
ການກະກຽມ:
- ເອົາຊີ້ນໝູລ້າງນໍ້າໃຫ້ສະອາດແລ້ວຊອຍເປັນຕ່ອນບາງໆປະໄວ້
- ເອົານໍ້າໃສ່ໝໍ້ຕົ້ມໃຫ້ຟົດແລ້ວເອົາຊີ້ນໝູ, ເກືອລົງຕົ້ມປະມານ 15-20 ນາທີຕັກຊີ້ນຂຶ້ນປະໄວ້ໃຫ້ເຢັນ.
- ໝາກປີຜ່າເຄິ່ງລ້າງນໍ້າໃຫ້ສະອາດແລ້ວຕົ້ມໃຫ້ສຸກເອົາມາຊອຍເປັນຕ່ອນສີ່ຫຼ່ຽມຍາວປະໄວ້.
- ຖົ່ວດິນຕໍາໃຫ້ລະອຽດ.
- ໝາກເຜັດ, ຫອມບົ່ວໃບ, ຫອມປ້ອມ ລ້າງນໍ້າໃຫ້ສະອາດຊອຍເປັນຕ່ອນນ້ອຍໆປະໄວ້.
ວິທີປຸງແຕ່ງ:
ເອົາຊີ້ນໝູທີ່ຊອຍໄວ້ກັບໝາກປີຊາວໃຫ້ເຂົ້າກັນປຸງດ້ວຍຖົ່ວດິນ, ຄະນໍຜົງ, ນໍ້າປາ, ໝາກເຜັດປົ່ນ, ໝາກເຜັດຂີ້ໜູຄົນໃຫ້ເຂົ້າກັນ ຊີມລົດຊາດໃຫ້ພໍດີ ຕັກໃສ່ຈານໂຮຍໜ້າດ້ວຍຫອມບົ່ວໃບ ແລະ ຫອມປ້ອມທີ່ກຽມໄວ້ພ້ອມຮັບປະທານ.
ແນະນຳ
ການເລືອກຊື້ຊີ້ນໝູ ຄວນເລືອກຊື້ຊີ້ນໝູ 3 ຊັ້ນ ຊີ້ນໝູຕ້ອງມີສີບົວ ໄຂມັນເປັນສີຂາວ ໜັງກ້ຽງບາງ ແລະ ຂາວ ມີໄຂມັນແດ່ ຊີ້ນຫຼາຍຊັ້ນ ແລະ ບໍ່ຄວນຊື້ຊີ້ນໝູທີ່ມີສີແດງເກີນໄປ.
ທີ່ມາ: Knorr
