ແມງໄມ້ມີປະໂຫຍດແນວໃດຕໍ່ຮ່າງກາຍ?

Last updated on November 21, 2024
(first published: November 21, 2024)
by Bouavone

ແມງໄມ້ເປັນແຫຼ່ງໂປຣຕີນສູງ ແມງໄມ້ 100 g ມີໂປຣຕີນເຖິງ 9-65 g ຂຶ້ນຢູ່ກັບວ່າຊະນິດແມງໄມ້ ສ່ວນແມງໄມ້ທີ່ມີໂປຣຕີນຫຼາຍທີ່ສຸດໄດ້ແກ່ ຕັກກະແຕນ, ແມງມັນ ໂປຣຕີນທີ່ໄດ້ມາຈາກແມ່ນໄມ້ເປັນໂປຣຕີນທີ່ໃກ້ຄຽງກັບໂປຣຕີນທີ່ໄດ້ມາຈາກໄຂ່ໄກ່ 1 ໜ່ວຍ ຫຼື ທຽບເທົ່າກັບຊີ້ນໝູບົດ 100g ແຕ່ໜອນເປັນແມງໄມ້ທີ່ມີໂປຣຕີນທີ່ດີທີ່ສຸດ.
ຊ່ວຍຫຼຸດຄໍເລດເຕີລໍ ຢູ່ໃນແມງໄມ້ມີສານໄຄຕິນ (Chitin) ເມື່ອໄຄຕິນຖືກຍ່ອຍຈົນສ່ວນໃດສ່ວນໜຶ່ງອອກເປັນໄຄໂທຊານ (chitosan) ທັງໄຄຕີນ ແລະ ໄຄໂທຊານ ສາມາດຈັບຕົວໄຂມັນ ຈະຊ່ວຍເຮັດໃຫ້ລະດັບຄໍເລດເຕີລໍຂອງເຮົາຫຼຸດລົງ.
ຊ່ວຍຕໍ່ຕ້ານການຕິດເຊື້ອຈາກຢີສ (yeast)ໃນລະບົບທາງເດີນອາຫານ ເປັນຜົນພວງມາຈາກໄຄຕິນ ແລະ ໄຄໂທຊານອີກຄືກັນ.
ແມງໄມ້ເປັນແຫຼ່ງອາຫານຊັ້ນດີ ທີ່ລາຄາຖືກສໍາລັບຜູ້ທີ່ຢູ່ບ່ອນຫ່າງໄກຈາກຄວາມຈະເລີນ ຈາກການລາຍງານຂອງອົງການອາຫານໂລກແຫ່ງສະຫະປະຊາຊາດ ຫຼື FAO ກ່ຽວກັບ ແມງໄມ້ທີ່ກິນໄດ້ເປັນຄວາມຫວັງແຫ່ງອານາຄົດສໍາລັບຄວາມໝັ້ນຄົງທາງອາຫານ ແລະ ອາຫານສັດ.
ນອກຈາກແມງໄມ້ຈະໃຫ້ໂປຣຕີນສູງແລ້ວ ຍັງເປັນອາຫານທີ່ຫາກິນງ່າຍ ອຸດົມໄປດ້ວຍແຮ່ທາດອື່ນໆ ບໍ່ວ່າຈະເປັນເກືອແຮ່ທາດຟອດຟໍຣັດ (phosphorus) ໂພແທສຊຽມ (Potassium) ແລະ ວິຕາມິນບີ.