ການລ້ຽງສັດ ແລະ ການເຮັດນາຊ່ວຍໃຫ້ຄອບຄົວມີລາຍຮັບທີ່ດີຂຶ້ນ

ທ່ານ ລື ອິນທິລັດ ອາຍຸ 50 ປີ, ຢູ່ທີ່ເມືອງທາປາງທອງ, ແຂວງສະຫວັນນະເຂດ ເປັນຫນຶ່ງໃນບັນດາຊາວກະສິກອນທີ່ໂດດເດັ່ນ ແລະ ສາມາດສ້າງລາຍຮັບຈາກການລ້ຽງສັດ ແລະ ການປູກເຂົ້າ. ລາວບອກວ່າ ລາວມີສະມາຊິກໃນຄອບຄົວ 10 ຄົນ ແລະ ສ່ວນຫຼາຍແມ່ນລ້ຽງສັດແລະ ປູກເຂົ້າ ເພ່ື່ອຫາເງິນມາໃຫ້ກັບຄອບຄົວເປັນຫຼັກ.

ໃນປີ 2017 ລາວມີງົວ 40 ໂຕ, ແບ້ 5 ໂຕ ແລະ ນາຢູ່ທີ່ 2.5 ເຮັກຕາ. ເພື່ອຕອບສະຫນອງຜົນຜະລິດໃຫ້ໄດ້ຕາມຄວາມຕ້ອງການຂອງຕະຫຼາດ ເຮັດໃຫ້ປະຈຸບັນ ລາວມີງົວ 75 ໂຕ ແລະ ຂາຍອອກໄດ້ 10-12 ໂຕຕໍ່ປີ ເຮັດໃຫ້ລາວມີລາຍຮັບຈາກການຂາຍງົວຢູ່ທີ່ 28,000,000-32,000,000 ກີບ. ລາວຍັງມີແບ້ອີກ 25 ໂຕ, ສາມາດຂາຍໄດ້ 6-8 ໂຕຕໍ່ປິ ແລະ ລາຍຮັບຈາກການຂາຍແບ້ຢູ່ທີ 3,000,000 – 5,000,000 ກີບ.

ປະຈຸບັນ ມີນາຢູ່ 4 ເຮັກຕາ ແລະ ສາມາດຜະລິດເຂົ້າໄດ້ 12 ໂຕນໃນຊ່ວງລະດູຝົນ ແລະ ສ້າງລາຍຮັບຈາກການຂາຍເຂົ້າໄດ້ຫຼາຍກວ່າ 5,000,000 ກີບ. ເພື່ອພັດທະນາພາກສ່ວນກະສິກໍາຂອງລາວເອງ, ລາວຍັງໄດ້ເຮັດຫນອງປາໄວ້ 2 ແຫ່ງ ເພື່ອຂາຍປາ ແລະ ລາຍໄດ້ທັງໝົດທີ່ໄດ້ຮັບຈາກກິດຈະກຳເຫຼົ່ານີ້ຍັງສາມາດດູແລຄອບຄົວ ລວມທັງຍັງສາມາດສົ່ງຫລານເຂົ້າໂຮງຮຽນ ໄດ້ອີກດ້ວຍ.

ຂໍ້ມູຂ່າວຈາກ: Socio-Economic Daily Newspaper & Vientiane Time