ການປູກ
– ແຊ່ ຫຼື ມ່າແນວພັນ (ແກ່ນ) ຜັກບົ້ງ 1 ຄືນ ແລ້ວນໍາມາຫໍ່ໃສ່ຜ້າຝ້າຍ, ຫົດນໍ້າໃຫ້ປຽກຊຸ່ມ 1 ມື້, ປະໄວ້ໃນອຸ່ນຫະພູມທີ່ເໝາະສົມບໍ່ຮ້ອນ ແລະ ບໍ່ເຢັນເກີນໄປ, ແລ້ວນໍາໄປປູກ ຫຼື ຫວ່ານເປັນແຖວ.
– ເອົາແນວພັນ (ແກ່ນ) ໄປຫວ່ານເປັນແຖວໃຫ້ສະໝໍ່າສະເໝີໃຫ້ທົ່ວໜານ.
– ຫຼັງຈາກນັ້ນ, ປົກດ້ວຍຝຸ່ນບົ່ມ ຫຼື ຝຸ່ນຄອກໜາປະມານ 0.5-1 ຊມ, ສໍາເລັດແລ້ວຫົດດ້ວຍບົວຝອຍໃຫ້ປຽກຊຸ່ມດີ.
ການບົວລະບັດຮັກສາ
– ຫຼັງຈາກຫວ່ານພັນແລ້ວຄວນຫົດນໍ້າ 1-2 ເທື່ອຕໍ່ມື້ (ຕອນເຊົ້າ ແລະ ຕອນແລງ) ໃນໄລຍະ 1-2 ອາທິດຫຼັງຈາກຜັກຈະເລີນເຕີບໂຕດີແລ້ວຈຶ່ງຫົດໜ້ອຍລົງ 1 ເທື່ອຕໍ່ມື້ກະໄດ້.
– ຖ້າຜັກຂະຫຍາຍຕົວຊ້າຄວນໃສ່ຝຸ່ນຄອກຕື່ມພ້ອມທັງຈີ້ມດິນຕາມລະຫວ່າງຕົ້ນ 2 ເທື່ອຕໍ່ອາທິດ ທັງເປັນການກໍາຈັດຫຍ້າໄປພ້ອມເພື່ອໃຫ້ດິນຖ່າຍເທອາກາດໄດ້ດີ.
– ສີດຢາສະໝຸນໄພປ້ອງກັນພະຍາດ ແລະ ແມງໄມ້.
ການເກັບກ່ຽວມີ 2 ວິທີ:
ວິທີການຫຼົກ: ເມື່ອຜັກໃຫຍ່ສາມາດນໍາໄປຮັບປະທານໄດ້ແມ່ນຫຼົກອອກໝົດຕົ້ນ.
ວິທີການຕັດ: ກໍານົດທີ່ຈະຕັດເພື່ອເອົາຍອດໄປບໍລິໂພກແລ້ວໃຫ້ຕົ້ນຜັກທີ່ເຫຼືອສາມາດປົ່ງຍອດໄດ້ອີກ.
ການເກັບ ແລະ ຮັກສາໄວ້ກິນຍາວນານ:
– ຫຼົກຜັກໃຫ້ໄດ້ທັງຮາກແລ້ວລ້າງໃຫ້ສະອາດ, ໃຫ້ສະເດັດນໍ້າຫຼັງຈາກນັ້ນເອົາໃສ່ຖົງຢ່າງອັດໃຫ້ແໜ້ນເອົາເຂົ້າໄວ້ຕູ້ແຊ່ ຫຼື ຕູ້ເຢັນໄວ້ກິນ.
– ລວກແລ້ວເອົາໄປຕາກແດດໃຫ້ແຫ້ງດີ, ໃສ່ຖົງຢາງອັດໃຫ້ແໜ້ນເກັບຮັກສາໄວ້ບ່ອນຫົ່ມ ແລະ ແຫ້ງດີ.
ຄຸນຄ່າທາງໂພສະນາການ:
ຜັກຊະນິດນີ້ແມ່ນມີວິຕາມິນເອ (A), ບີ6 (B6), ແຄວຊຽວ (Ca), ທາດເຫຼັກ (Fe)ແລະ ທາດສັງກະສີ (Zn). ຊ່ວຍຮັກສາພະຍາດຜິວໜັງ (ຝີ, ໜອງ, ບາດແຜ), ແກ້ໄອຫືດ, ຂັບຖ່າຍສະດວກ, ບໍາລຸງສາຍຕາ, ບໍາລຸງຜິວ, ເຮັດໃຫ້ກະດູກ ແລະ ແຂ້ວແຂງແຮງ. ແຄວຊຽມ ແລະ ທາດເຫຼັກຈໍາເປັນຫຼາຍສໍາຫຼັບແມ່ຍິງໄວ້ຈະເລີນພັນ ແລະ ແມ່ຍິງຖືກພາ.
