ການຜະລິດຮໍໂມນພືດ (Plant Hormone)
ການຜະລິດຮໍໂມນແມ່ນແນໃສ່ເລັງດອກ, ເລັ່ງຮາກ
ສ່ວນປະສົມ:
– ໝາກໄມ້ສຸກທຸກຊະນິດ 2 ສ່ວນ.
– ຫອຍເຊີຣີ 1 ສ່ວນ.
– ຕົ້ນກະບອງເພັດ 1 ສ່ວນ.
– ກາກນ້ໍາຕານ 5 ສ່ວນ (ຖ້າບໍ່ມີໃຫ້ເອົານ້ໍາຕານແທນ).
– ຖັງພລາສະຕິກ 50 ລິດ 1 ຖັງ.
ວິທີເຮັດ:
ເອົາໝາກໄມ້ສຸກ, ກະບອງເພັດ, ຫອຍເຊີລີ ມາຟັກໃຫ້ແຫຼກເອົາລົງໃສຖັງພລາສະຕິກ, ເອົານໍ້າໃສພໍຖ້ວມປິດຝາແລ້ວໝັກໄວ້ 1 ເດືອນ ແລ້ວເອົາກາກນໍ້າຕານ ຫຼື ນ້ໍາຕານຊາຍແດງເທລົງແລ້ວໝັກໄປອີກ 15-30 ວັນແລ້ວຕອງເອົານ້ໍາສະກັດມາໃຊ້ໄດ້.
ການນໍາໃຊ້ເພື່ອເລັ່ງດອກ:
ໃຊ້ຕາມລະດູການຂອງດອກພືດ, ຮໍໂມນພືດ 1 ຊີຊີ/ນໍາ 1 ລິດ ສິດຕິດຕໍ່ກັນ 7 ຫຼື 15 ວັນພືດຈະອອກດອກໄວກວ່າປົກກະຕິ. ສິດໃສ່ໄມ້ປະດັບຕິດຕໍ່ກັນ 20 ວັນກໍ່ຈະອອກດອກ.
ວິທີການນໍາໃຊ້
– ຫົດຜັກ, ຕົ້ນໄມ້ໃຫ້ໝາກ 2 ບ່ວງປະສົມນ້ໍາ 10 ລິດ.
– ໃຊ້ໃນການເຮັດປຸ໋ຍບົ່ມ.
– ໃຊ້ເປັນສານສະກັດ ຫຼື ຍ່ອຍສະຫຼາຍສານອິນຊີ.
ຂໍ້ມູນຈາກ: ປື້ມເນື້ອໃນຄູ່ມືເຝິກອົບຮົມການຜະລິດກະສິກໍາຂອງສະຖານການສຶກສາ
