ຂົ້ວຜັກບົ້ງໄຟແດງ (ຜັກບົ້ງນ້ຳມັນຫອຍ) ເປັນເມນູງ່າຍໆ ຫາໄດ້ຕາມທຳມະຊາດ.
ສ່ວນປະສົມ
- ຜັກບົ້ງ 1 ກຳ ລ້າງນໍ້າໃຫ້ສະອາດ (ຕັດໃຫ້ຂະໜາດຕາມທີ່ຕ້ອງການ)
- ກະທຽມ 3–5 ກີບ (ທຸບ)
- ໝາກເຜັດແດງ 2–3 ໜ່ວຍ
- ນ້ຳມັນພືດ 1–2 ບ່ວງແກງ
- ນ້ຳມັນຫອຍ 1 ບ່ວງແກງ
- ນ້ຳປາ 1 ບ່ວງກາເຟ
- ແປ້ງນົວ 1 ບ່ວງກາເຟ
- ນ້ຳຕານນ້ອຍໜຶ່ງ (ຕາມມັກ)
- ນ້ຳສະອາດ ນ້ອຍໜຶ່ງ (ປະມານ 1 ບ່ວງແກງ)
ວິທີປຸງແຕ່ງ
- ຕັ້ງໝໍ້ໃສ່ນ້ຳມັນ ໃຫ້ຮ້ອນ.
- ໃສ່ກະທຽມ ແລະ ໝາກເຜັດ ຈາກນັ້ນຂົ້ວໃຫ້ຫອມ.
- ໃສ່ຜັກບົ້ງລົງໄປ ແລ້ວຄົນໄວໆ.
- ປຸງລົດຊາດດ້ວຍເຊັ່ນ: ນ້ຳມັນຫອຍ, ນ້ຳປາ, ແປ້ງນົວ ແລະ ນ້ຳຕານ.
- ຕື່ມນ້ຳນ້ອຍໜຶ່ງ ແລ້ວຂົ້ວໃຫ້ຜັກສຸກ (ປະມານ 1–2 ນາທີ).
- ຕັກໃສ່ຈານ ພ້ອມກິນກັບເຂົ້າຮ້ອນໆ 🍚
✅ ເຄັດລັບ: ຕ້ອງຂົ້ວໃນໄຟແຮງ ແລະ ຄົນໄວໆ ເພື່ອໃຫ້ຜັກບົ້ງກອບ ແລະ ໄດ້ສີຂຽວງາມ.
ສູດອາຫານຈາກ: ອະນຸໄລ
