ຊາສະໝຸນໄພກັບຄຸນປະໂຫຍດອັນຫຼາກຫຼາຍ

ເມື່ອກ່າວເຖິງຊາ ຫຼາຍໆຄົນອາດຈະຄິດເຖິງຜະລິດຕະພັນຊາແຫ້ງ ຫຼື ຊາຂຽວ ທີ່ເຮັດຈາກໃບຊາ ແຕ່ຄວາມຈິງແລ້ວຊາມີຫຼາກຫຼາຍປະເພດ ແລະ ມີສ່ວນປະສົມທີ່ແຕກຕ່າງກັນ ເມື່ອສ່ວນປະສົມທີ່ໃຊ້ແຕກຕ່າງກັນຄຸນປະໂຫຍດທີ່ໄດ້ຮັບກໍແຕກຕ່າງເຊັ່ນກັນ.

ຊາສະໝຸນໄພແຕກຕ່າງຈາກຊາທົ່ວໄປແນວໃດ?

ປົກກະຕິແລ້ວຊາທຳມະດາ ຈະປຸງແຕ່ງມາຈາກໃບຂອງຕົ້ນຊາ (camellia sinensis) ແຕ່ວ່າຊາສະໝຸນໄພນັ້ນປຸງແຕ່ງມາຈາກພືດສະໝຸນໄພໂດຍກົງເຊັ່ນ: ດອກໄມ້, ໝາກໄມ້, ໃບໄມ້, ເປືຶອກ, ຮາກ ແລະ ຫົວຂອງພືດສະໝຸນໄພນາໆຊະນິດ. ດອກຄາໂມມາຍ (Matricaria chamomilla), ຫົວສີໄຄ (Cymbopogon citratus (DC.) Stapf), ແລະ ຫອມລາບ (Men tha piperita L) ຈັດເປັນກຸ່ມພືດສະໝຸນໄພທີ່ໄດ້ຮັບຄວາມນິຍົມສຳລັບການເຮັດຊາສະໝຸນໄພ.

ຕະຫຼອດໄລຍະເວລາຫຼາຍສະຕະວັດປີທີ່ຜ່ານມາ ຊາສະໝຸນໄພໄດ້ຮັບການຍອມຮັບ ແລະ ຍົກໃຫ້ເປັນເຄື່ອງດື່ມເພື່ອສຸຂະພາບທີ່ດີທີ່ສຸດປະເພດໜຶ່ງ ໂດຍມີຈຸດເລີມຕົ້ນມາຈາກປະເທດອີຢິບ ແລະ ຈີນສະໄໝບູຮານ ເຊິ່ງພວກເຂົານຳໃຊ້ພືດສະໝຸນເພື່ອເພີ່ມລົດຊາດໃຫ້ອາຫານ ແລະ ເພື່ອສຸຂະພາບທີ່ດີ, ແຕ່ທັ້ງນີ້ທັ້ງນັ້ນຕ້ອງໃຊ້ໃຫ້ຖືກວິທີ ພ້ອມກັບສ່ວນປະສົມທີ່ເໝາະສົມຈຶ່ງຈະໄດ້ຮັບຄຸນປະໂຫຍດຕ່າງໆທີດີຕໍ່ສຸຂະພາບ.

ຄຸນປະໂຫຍດຂອງຊາສະໝຸນໄພ:

• ຊ່ວຍຮັກສາອາການໄອ ແລະ ເປັນຫວັດ ພືດສະໝຸນໄພທີ່ໃຊ້ປະກອບມີ ຂີງ ແລະ ຫອມລາບເປັນຕົ້ນ

• ຊ່ວຍຍ່ອຍອາຫານໄດ້ດີ ແນະນຳໃຫ້ດື່ມຊາຫຼັງຈາກຮັບປະທານອາຫານ ເພາະຈະຊ່ວຍໃຫ້ລະບົບຍ່ອຍອາຫານທຳງານໄດ້ດີ, ສະມຸນໄພທີ່ນິຍົມໃຊ້ມີ ແຄຫອມ (Cinnamomum cassia Bl.), ດອກຄາໂມມາຍ (Matricaria chamomilla), ຫອມລາບ (Men tha piperita L), ຂີງ (Zingiber officinale Roscoe).

• ຊ່ວຍຄວບຄຸມນ້ຳໜັກ ແລະ ການຢາກອາຫານ, ສະມຸນໄພ ຂີງ, ດອກໄໝ (hibiscus) and ຫົວສີໄຄ ມີຊັບພະຄຸນຊ່ວຍໃນການເຜົາຜານໄຂມັນ.

• ຊາສະໝຸນໄພບາງຊະນິດມີສານຕໍ່ຕ້ານອານຸມູນອິດສະລະ ຊ່ວຍໃນການບຳລຸງຜິວພັນ ແລະ ເຮັດໃຫ້ແກ່ໂຕຊ້າ. 

• ຊ່ວຍຫຼຸດຜ່ອນຄວາມຄຽດ ເຮັດໃຫ້ຈິດໃຈສະຫງົບ ແລະ ຜ່ອນຄາຍໃນລະດັບດີ ລົດອາການຊຶມເສົ້າ ຊ່ວຍໃຫ້ນອນຫຼັບດີ, ສະໝຸນໄພທີ່ນິຍົມໃຊ້ມີ ຜັກຫອມລາບໆ, ຄາໂມມາຍ ແລະ ດອກໝາກນອດເປັນຕົ້ນ

• ຊ່ວຍໃນການລ້າງສານພິດໃຫ້ຮ່າງກາຍ ສະໝຸນໄພທີ່ລ້າງສານພິດໃຫ້ຮ່າງກາຍໄດ້ດີມີ ຂີງ, ແຄຫອມ ແລະ ພິກໄທດຳເປັນຕົ້ນ

• ລົດການອັກເສບຂໍ້, ປວດບວມ ແລະ ເໜື່ອຍລ້າໄດ້ ຊາຂີງໄດ້ຮັບຄວາມນິຍົມສຳລັບລົດການອັກເສບຂໍ້.

• ສາມາດໃຊ້ຊາສະມຸນໄພຫຼຸດຄວາມດັນເລືອດໄດ້ ປາສະຈາກສານເຄມີ ແລະ ຜົນຂ້າງຄຽງ.

• ດີຕໍ່ຜິວ ແລະ ສຸພາບ: ສະໝຸນໄພທີ່ໃຊ້ມີພວກຕະກຸນ basil, ຂີງ ແລະ ຄາໂມມາຍກໍເປັນໜຶ່ງໃນພືດສະໝຸນໄພທີ່ມີຄຸນນະສົມບັດຕໍ່ຕ້ານເຊື້ອໂລກ

ສິ່ງສຳຄັນໃນການດື່ມຊາໃຫ້ເກີດປະໂຫຍດ ແລະ ມີຜົນດີຕໍ່ຂະພາບຫຼາຍທີ່ສຸດຄື ຕ້ອງດື່ມຊາທີ່ມີສ່ວນປະສົມຈາກພືດສະໝຸນໄພທຳມະຊາດ 100%. ດື່ມຊາສະໝຸນໄພໃຫ້ພໍເໝາະບໍ່ໜ້ອຍ ຫຼື ຫຼາຍເກີນໄປ ດື່ມໃນປະລິມານທີ່ເໝາະສົມ ຊາສະໝຸນໄພ 1 ຈອກແມ່ນພຽງພໍແລ້ວສຳລັບມື້ໜຶ່ງ
 

source:

UTZ – Rainforest Alliance

timesofindia.indiatimes.com

grosche.ca

healthline.com