ຍຳສະລັດຫຼວງພະບາງ

ສ່ວນປະສົມ
ຜັກກາດນ້ຳ 1 ມັດ, ໄຂ່ຕົ້ມ 4 ໜ່ວຍ (ໃຊ້ພຽງສີຂາວ) ມອນສີແດງໃຊ້ສຳລັບເຄື່ອງປຸງ, ຜັກສະລັດ 500 ml ຫຼື 2 c, ( ສາມາດໃຊ້ຜັກທີ່ເປັນສີຂຽວໄດ້ທຸກຊະນິດ, ຫອມປ້ອມ ½ C, ຫອມລາບ 1/2 C, ໝາກແຕງ 1 ໜ່ວຍ ແລະ ໝາກເລັ່ນ (ຊອຍບາງໆ)
ນໍ້າສະລັດ:
ນໍ້າມັນ 1/2 C, ກະທຽມ 4 ບ່ວງແກງ, ໄຂ່ໄກ່ແດງ 4 ລູກ, ນໍ້າຕານ 3 ບ່ວງແກງ, ນ້ຳປາ 2 ບ່ວງແກງ, ນໍ້າໝາກນາວ 4 ບ່ວງແກງ, ຕາມດວ້ຍຖົ່ວດິນທອດກອບ

ວິທີການ
1. ຂົ້ວຖົ່ວດິນໃຫ້ແຫ້ງ ປະໄວ້ໃຫ້ເຢັນ ແລ້ວນ້ຳມາບົດ
2. ຕັ້ງໝໍ້ ໂດຍໃຊ້ໄຟລະດັບກາງ ເພື່ອທອດກະທຽມໃຫ້ເປັນສີເຫຼືອງອ່ອນ ປະມານ 2 ນາທີ
3. ຂະນະທີ່ລໍຖ້າກະທຽມ ໃສ່ໄຂ່,ນ້ຳຕານ,ນ້ຳປາ ລົງໃນໝໍ້ ແລ້ວປະສົມເຂົ້າກັນ, ເມື່ອກະທຽມ ທອດຮຽບຮ້ອຍແລ້ວກໍນຳລົງໝໍ້ ແລ້ວປະສົມໃຫ້ເຂົ້າກັນອີກເທື່ອໜຶ່ງ
4. ລ້າງຜັກດ້ວຍນໍ້າສະອາດ ຕັດໃບຫຼືກ້ານທີ່ແກ່ ແລະ ໃຫ່ຍອອກ. ຊອຍໝາກເລັ່ນໃຫ້ບາງ
5. ປະສົມສ່ວນປະກອບທັງໝົດເຂົ້າກັນ ແລ້ວໃສ່ນ້ຳສະລັດ ລາດໜ້າດ້ວຍຖົ່ວດິນ ພ້ອມຮັບປະທານ

ເພື່ອລົດຊາດທີ່ແຕກຕ່າງ
ສຳລັບຄົນທີ່ມັກລົດຊາດຫວານຫຼາຍກວ່າ ໃຫ້ລົດດປະລິມານນ້ຳໝາກນາວລົງ, ສຳລັບຄົນທີ່ມັກສົ້ມ ໃຫ້ເພີ່ມປະລິມານນ້ຳໝາກນາວ.
ຂໍ້ມູນສ່ວນໃຫ່ຍມາຈາກປຶ້ມ ສູດອາຫານຂອງເຮືອນພັກທ່າເຮືອ ອາຫານຈາກພາກເໜືອລາວ