ສ່ວນປະກອບ:
- ໄກ່ລາດ 1 ໂຕ
- ຫົວສີໄຄ 2 ຫົວ
- ຂີງ 1 ຫົວ
- ໝາກຂາມປຽກ 1 ກ້ອນ ຂະໜາດເທົ່າໜ່ວຍໄຂ່
- ໝາກເລັ່ນ 4 ໜ່ວຍ
- ຫອມບົວໃບ 4 ຕົ້ນ
- ຫອມປ້ອມ 4 ຕົ້ນ
- ນໍ້າປາ 2 ບ່ວງ
- ເກືອ 2 ບ່ວງກາເຟ
- ນໍ້າດື່ມ 1 ລິດ
ການກະກຽມ:
- ນໍາເອົາໄກ່ມາຄົວລ້າງນໍ້າໃຫ້ສະອາດຕັດເປັນຕ່ອນພໍດີຄໍາ
- ຫົວສີໄຄຕ້ອງທຸບໃຫ້ແຕກຫຼືຊອຍເປັນຕ່ອນບາງໆ
- ຂີງລ້າງນໍ້າໃຫ້ສະອາດຜ່າເປັນປ່ຽງປະໄວ້
- ໝາກເລັ່ນລ້າງນໍ້າໃຫ້ສະອາດຜ່າເປັນປ່ຽງໃຫ້ໄດ້ 4 ປ່ຽງປະໄວ້
- ຫອມບົ່ວໃບ ແລະ ຫອມປ້ອມລ້າງນໍ້າໃຫ້ສະອາດແລ້ວຊອຍເປັນຕ່ອນຂະໜາດ 1 ຂໍ້ມືປະໄວ້
ວິທີການປຸງແຕ່ງ:
- ເອົານໍ້າໃສ່ໝໍ້ຕົ້ມໃຫ້ຟົດແລ້ວເອົາເກືອ, ຫົວສີໄຄ ແລະ ຂີງໃສ່ຕົ້ມພ້ອມກັບໝາກຂາມ.
- ໃສ່ນໍ້າປາແລ້ວອັດຝາໄວ້ຕົ້ມອີກປະມານ 30 ນາທີ.
- ນໍາເອົາໝາກເລັ່ນ, ຫອມບົ່ວໃບ, ຫອມປ້ອມທີ່ກຽມໄວ້ລົງໃສ່ປະໄວ້ປະມານ 2 ນາທີແລ້ວຈຶ່ງປົງແລ້ວ
- ຕັກໃສ່ຖ້ວຍທີ່ກຽມໄວ້ພ້ອມຮັບປະທານ.
ເຄັດລັບ: ຄວນຕົ້ມນໍ້າໃຫ້ຟົດກ່ອນແລ້ວຈຶ່ງເອົາໄກ່ໃສ່ເພື່ອບໍ່ໃຫ້ມີກິ່ນຄາວ
