ແຈ່ວເຫັດປວກ ວິດີໂອທີ່ໄດ້ຮັບລາງວັນພິເສດຈາກການປະກວດວິດີໂອສັ້ນ

ຕາມົນກ່າວວ່າ: ແຮງບັນດານໃຈໃນການເຮັດວີດີໂອເຂົ້າປະກວດແມ່ນ ຕາມົນກໍເປັນຄົນໜຶ່ງທີ່ມາຈາກຊົນນະບົດ ແຕ່ນ້ອຍຈົນໃຫຍ່ແມ່ນອາໃສທຳມະຊາດໃນການທຳມາຫາກິນ ບໍ່ວ່າຈະເປັນ ເຂົ້າປ່າຫາເກັບຜັກ ຫັກໜໍ່ ຊ້ອນກຸ້ງ ຫອຍ ປູ ປາ ຕາມຫ້ວຍນໍ້າລໍາເຊມາເປັນອາຫານປະຈຳ ເຊິ່ງເຮົາຮູ້ວ່າມັນເປັນອາຫານຊັ້ນເລີດພຽງໃດ ຈຶ່ງຢາກນຳສະເໜີ ແລະ ສົ່ງຕໍ່ ອາຫານທີ່ແຊບຈາກທຳມະຊາດໃຫ້ຄົນໄດ້ຮັບຮູ້ຫຼາຍຂຶ້ນໂດຍສະເພາະແມ່ນໄວໜຸ່ມຍຸກໃໝ່ທີ່ສົນໃຈອາຫານ fast food ເປັນສ່ວນຫຼາຍຈົນອາດຫຼົງລືມອາຫານພື້ນບ້ານທີ່ແຊບ ແລະ ເຕັມໄປດ້ວຍຄຸນປະໂຫຍດໄປ.

ເຊິ່ງອາຫານທີ່ເລືອກມານຳສະເໜີໃນວີດີໂອແມ່ນ ເຫັດປວກ ຫຼື ເຫັດຕາບ ທີ່ສາມາດປຸ່ງແຕ່ງອາຫານໄດ້ຫຼາຍແບບ ໂດຍມີການສຳພາດແມ່ທີ່ເພິ່ນເປັນຄົນພາເຮົາກິນມາແຕ່ຍັງນ້ອຍ.