ສູດນ້ຳສະກັດຊີວະພາາບ ລ້ຽງສັດມີສຸຂະພາບແຂງແຮງຕຸ້ຍພີໄດ້ນ້ຳໜັກ (ສູດຫອຍ)

ສ່ວນປະກອບ

• ຫອຍ ຫຼື ປາ 1 ກີໂລກຼາມ
• ນ້ຳຕານຊາຍແດງ 1 ກີໂລກຼາມ
• ໝາກຫຸ່ງດິບນ້ອຍ 1 ໜ່ວຍ
• ນ້ຳສະອາດ 1 ລິດ

ວິທີການຜະລິດ

1. ເອົາຫອຍມາທັບໃຫ້ແຕກ (ຖ້າແມ່ນປາໃຫ້ຕັດເປັນຕ່ອນ)
2. ນ້ຳຕານປະສົມກັບນ້ຳ ຄົນໃຫ້ລະອຽດດີ
3. ໝາກຫຸ່ງນ້ອຍຊອຍເປັນຕ່ອນນ້ອຍ ນຳສ່ວນປະສົມທັງ 3 ຢ່າງໃສ່ຖັງຄົນເຂົ້າກັນໃຫ້ລະອຽດດີ ປິດຝາໝັກໄວ້ 7 ມື້

ວິທີການຂະຫຍາຍຫົວເຊື້ອ

• ຫຼັງຈາກທີ່ໝັກໄດ້ 7 ມື້ ເອົາຫົວເຊື້ອມາຂະຫຍາຍໂດຍການຕື່ມນ້ຳສະອາດ 3 ລິດໃສ່ຖັງ ແລະ ຄົນໃຫ້ເຂົ້າກັນລະອຽດດີ, ປິດຝາໝັກໄວ້ອີກ 3 ມື້ ສາມາດນຳໄປໃຊ້ໄດ້

ວິທີການນຳໃຊ້

• ນ້ຳສະກັດສູດຫອຍ 3 ຫາ 5 ບ່ວງແກງ ປະສົມນ້ຳ 10 ລິດໃຫ້ໄກ່ກິນແທນນ້ຳທຸກໆມື້

ຄຸນປະໂຫຍດ

• ເພີ່ມຜົນຜະລິດໃຫ້ພືດຜັກ ແລະ ເຂົ້າໃບຂຽວລຳຕົ້ນແຂງ, ໄດ້ນ້ຳໜັກ
• ໃຊ້ໃນການລ້ຽງສັດມີສຸຂະພາບແຂງແຮງຕຸ້ຍພີໄດ້ນ້ຳໜັກ

ຂໍ້ມູນຈາກ ປຶ້ມຄູ່ມື ການລ້ຽງໄກ່ລາດແບບພື້ນບ້ານໂດຍນຳໃຊ້ສະໝຸນໄພ ໂດຍ ສກສຍ