ເຂົ້າໜົມອຸ້ມລຸ້ມ

Last updated on November 23, 2024
(first published: November 23, 2024)
by Andy Souvanphakdy

ເຂົ້າໜົມອຸ້ມລຸ້ມ ເມນູເຂົ້າໜົມຫວານພື້ນບ້ານ ຫາຮັບປະທານໄດ້ຍາກແລ້ວ ມີວິທີການປຸງແບບພື້ນເມືອງອັນເປັນເອກະລັກຂອງຊາວລາວ ປະກອບດ້ວຍລົດຊາດທີ່ຫອມຫວານຈາກນໍ້າອ້ອຍເຊິ່ງເປັນໜຶ່ງໃນສ່ວນປະກອບຫຼັກ ຈະຮັບປະທານເປັນອາຫານວ່າງ ຫຼື ເຮັດຂາຍກໍໄດ້ເຊັ່ນດຽວກັນ

ສ່ວນປະກອບ

ເຂົ້າເປືອກ (ເຂົ້າໜຽວ)
ນໍ້າອ້ອຍກ້ອນ

ວິທີປຸງແຕ່ງ

ນຳເຂົ້າເປືອກມາຕາກແດດ, ຫຼັງຈາກນັ້ນກໍນຳມາຂົ້ວ ຈົນເຂົ້າພ່ອງ ແລະ ແຕກເປືອກ
ເກັບເອົາເປືອກເຂົ້າອອກໃຫ້ໝົດ
ກຽວນໍ້າອ້ອຍໃຫ້ໜຽວຄຸ້ນ ແລ້ວນຳມານວດກັບເຂົ້າທີ່ກຽມໄວ້
ຫຼັງຈາກນັ້ນກໍນຳມາປັ້ນເປັນກ້ອນມົນໆ ຂະໜາດຕາມຕ້ອງການ ກໍຖືວ່າສຳເລັດແລ້ວ ສາມາດຮັບປະທານໄດ້