ແກງໂຈ້

ແກງໂຈ້ຖືໄດ້ວ່າເປັນອາຫານພື້ນເມືອງຂອງຊາວຜູ້ໄທແຂວງສະຫວັນນະເຂດ ນິຍົມນຳມາປຸງແຕ່ງ ແລະ ຮັບປະທານເມື່ອຍາມງານບຸນປະເພນີທ້ອງຖິ່ນທີ່ສຳຄັນເຊັ່ນ: ເຮັດບຸນເຮືອນ,ສອງຫລອງປີໃໝ່ເປັນຕົ້ນ

ສ່ວນປະກອບ

• ກະດູກງົວ ຫຼື ຊີ້ນງົວ
• ເຂົ້າສານໜຽວ
• ຫົວສີໄຄ
• ໝາກເຜັດແຫ້ງ
• ຜັກນາງເລີດ
• ຫອມບົ່ວໃບ
• ເກືອ
• ແປ້ງນົວ

ວິທີປຸງແຕ່ງ

1. ຕົ້ມກະດູກ ຫືຼ ຊີ້ນງົວ ປະມານ 2 ຊົ່ວໂມງ ເພື່ອໃຫ້ເປື່ອຍໜ້ອຍໜື່ງ
2. ລ້າງເຂົ້າສານໜຽວໃສ່ລົງໄປ ໝັ່ນຄົນໄປເລື້ອຍໆເພື່ອບໍໃຫ້ເຂົ້າຕິດກົ້ນໝໍ້,ຕົ້ມໄປເລື້ອຍໆກະວ່າເຂົ້າສຸກດີ
3. ໃສ່ຜັກນາງເລີດ ແລະ ຫອມບົວໃບ,ກໍ່ປຸງລົດຊາດຕາມໃຈມັກ  ອາດຈະມີລົດຊາບເຜັດນ້ອຍໜື່ງກໍແຊບດີ

ທີ່ມາ ນ ວາດສະໜາ ເທບພະວົງສາ ບ້ານນາບໍ ເມືອງເຊໂປນ ແຂວງສະຫວັນນະເຂດ