ສ່ວນປະສົມ
• ໜໍ່ໄມ້ສົ້ມ 1,5 kg
• ນໍ້າ ຫຼື ນໍ້າແກງ 12 C (ຈອກ)
• ຫົວສີໄຄ 2 ຫົວ
• ໝາກເຜັດດິບ 8 ໜ່ວຍ
• ຊີ້ນເປັດ 1 kg
• ນໍ້າມັນ ½ ຈອກ (250 ml)
• ກະທຽມ 1 ຫົວ
• ຄະນໍ 1 ບ່ວງຊາ
• ເກືອ 1 ບ່ວງຊາ ( ບໍ່ຄວນໃສ່ຫຼາຍເພາະວ່າ ໜໍ່ໄມ້ມີຄວາມເຄັມຢູ່ແລ້ວ)
• ເພີ່ມຄະນໍ 2 ບ່ວງຊາ (ໃຊ້ ເມື່ອບໍ່ມີນໍ້າແກງ)
• ຜັກອີ່ຕູ່ 1 ມັດ ເອົາໃບອອກຈາກກ້ານ
• ຫອມບົ່ວຊອຍ (ໃບ) 1 ຈອກກາເຟ
ສຳລັບສີ່ຄົນ
ວິທີປຸງແຕ່ງ
1. ບີບນ້ຳອອກຈາກໜໍ້ໄມ້ສົ້ມຈົນໝົດ ແລ້ວໃສ່ລົງໝໍ້ຕົ້ມ
2. ແກະເປືອກແຂງຂອງຫົວສີໄຄອອກ ແລ້ວນຳໄປຈີ່ກັບໝາກເຜັດ ໂດຍໃຊ້ໄຟທີ່ຮ້ອນຈັດ, ຫຼັງຈາກສຸກແລ້ວນຳອອກມາພັກໄວ້ ໃຊ້ມີດຂູດເປືອກດຳ ຫຼື ໜັງໝາກເຜັດ ແລະ ຫົວສີໄຄທີ່ໄໝ້ອອກ ແລ້ວນຳລົງໝໍ້
3. ລ້າງຊີ້ນເປັດໃຫ້ສະອາດ ແລ້ວຕັດເປັນຕ່ອນ ຍາວ 5 ຊມ
4. ຄ້າງໝໍ້ ເພື່ອທອດກະທຽມ ປະມານ 15 ວິນາທີ, ແລ້ວໃສ່ຊີ້ນເປັດ ພ້ອມຄະນໍ ແລະ ເກືອ ຢ່າງລະ 1 ບ່ວງຊາ. ຂົ້ວ 10 ນາທີ ຈົນກ່ວາຈະເປັນສີເຫຼືອງ
5. ຫຼັງຈາກທີ່ຕົ້ມໜໍ່ໄມ້ສົ້ມແລ້ວ 20 ນາທີ, ໃຫ້ໃສ່ຄະນໍ (ບໍ່ຈຳເປັນຕ້ອງໃສ່) ແລະ ຕົ້ມເປັດຕໍ່ ຢ່າງໜ້ອຍ 35-45 ນາທີ
6. ຊິມ ຖ້າລົດຊາດຍັງບໍ່ເໝາະສົມ ເພີ່ມເກີືອໃສ່, ສຸດທ້າຍໃສ່ ໃບຜັກອີ່ຕູ່ ແລະ ຫອມບົວ, ລໍຖ້າ 2-3 ນາທີ ແລ້ວຕັກໃສ່ຖ້ວຍ ພ້ອມຮັບປະທານ
ຄຳແນະນຳ
ສາມາດໃຊ້ຊີ້ນໄກ່ ຫຼື ໝູແທນເປັດໄດ້, ໃສ່ໃບຂີ້ຫູດ ເພື່ອເພີ່ມກີ່ນຫອມ
ຂໍ້ມູນສ່ວນຫຼາຍມາຈາກ ອາຫານຈາກພາກເໜືອລາວ ປຶ້ມສູດອາຫານຂອງເຮືອນພັກທ່າເຮືອ
ວີດີໂອຈາກ Hello Asian
