ໂຄງການພັດທະນາລະບົບນິເວດຊີວະນາໆພັນກະສິກຳຢູ່ເຂດພຸດອຍ (TABI) ສະໜັບສະໜູນຄວາມພະຍາຍາມຂອງຊາວກະສິກອນໃນພາກເຫນືອຂອງລາວເພື່ອແປຮູບອາຫານທຳມະຊາດຕ່າງໆໃຫ້ກາຍເປັນຜະລິດຕະພັນທີ່ມີມູນຄ່າເພີ່ມຂຶ້ນ ແລະ ຍັງສ້າງລາຍໄດ້ອີກດ້ວຍ. ການປູກຝັງແມ່ນອາຊີບຫຼັກໃນປະເທດລາວ ແລະ ການຜະລິດ, ການແປຮູບຜັກ, ໝາກໄມ້ ໄດ້ເພີ່ມມູນຄ່າ ແລະ ການປັບປຸງຊີວິດການເປັນຢູ່ດີຂຶ້ນ. ໝາກກ້ຽງນ້ຳບາກໃນຫຼວງພະບາງມີປີລະເທື່ອ ແລະ ຈະຢູ່ໃນຊ່ວງເດືອນຕຸລາ ຊື່ງນັກທ່ອງທ່ຽວຈະເຫັນຂາຍໄດ້ຕາມແຄມທາງ. ໄຄແຜ່ນເປັນອີກໜຶ່ງຜະລິດຕະພັນຍອດນິຍົມທີ່ມີຈຳໜ່າຍໃນຕະຫລາດຫລວງພະບາງ ແລະ ແຂວງອື່ນໆ, ລວມທັງ ນະຄອນຫຼວງວຽງຈັນ. ຕັ້ງແຕ່ເດືອນກໍລະກົດຫາເດືອນພະຈິກທ່ານຈະເຫັນໜໍ່ຫຼອຍທີ່ມີຫຼາຍທີ່ສຸດ ຂາຍໃຫ້ນັກທ່ອງທ່ຽວຕາມເສັ້ນທາງໄປຍັງ ຊຳເໜືອ.
ໃນປັດຈຸບັນ, ເວັບໄຊທ໌ພາເຂົ້າລາວເປັນແຫຼ່ງແບ່ງປັນ ແລະ ແລກປ່ຽນຂໍ້ມູນ ຊຶ່ງຍັງຄວາມຮູ້ທີ່ມະຫັດສະຈັນກ່ຽວກັບຊີວະນາໆພັນ ແລະ ຜະລິດຕະພັນຈາກປະເທດລາວ. ຂໍ້ມູນທາງດ້ານຊີວະນາໆພັນຍັງປະກອບມີ ສູດອາຫານ, ເຕັກນິກ ແລະ ຂໍ້ມູນທາງດ້ານໂພຊະນາການ ທີ່ເພີ່ມເຂົ້າມາເລື້ອຍໆ ໃຫ້ຜູ້ບໍລິໂພກທຸກຄົນ. ສູດອາຫານຫຼາຍໆເມນູທີ່ເຮົາເຫັນແມ່ນມາຈາກ “ປຶ້ມປຸງແຕ່ງອາຫານຂອງອາຫານຈາກພາກເຫນືອຂອງລາວ” ລວມລວມໂດຍ Dorothy Culloty ພ້ອມຮູບພາບງາມໆຈາກ Kees Sprengers. ທ່ານສາມາດເຂົ້າເບິ່ງສູດອາຫານທັງເລັ້ມ ໂດຍຜ່ານເວັບ Pha Khao Lao.
