ນັກຄົ້ນຄວ້າຈາກສູນເພື່ອການພັດທະນາ ແລະ ສິ່ງແວດລ້ອມ (CDE) ໄດ້ຮັບກຽດຂຶ້ນນຳສະເໜີລະບົບຖານຂໍ້ມູນພາເຂົ້າລາວ

ວັນທີ 26 ພະຈິກ 2024 ທີ່ຜ່ານມານີ້, ນັກຄົ້ນຄວ້າ Albrecht Ehrensperger ແລະ ແອນດີ່ ສຸວັນພັກດີ ຈາກສູນເພື່ອການພັດທະນາ ແລະ ສິ່ງແວດລ້ອມ (CDE) ໄດ້ຮັບກຽດຂຶ້ນນຳສະເໜີລະບົບຖານຂໍ້ມູນພາເຂົ້າລາວ ທີ່ນະຄອນຫຼວງພະບາງ ໃຫ້ແກ່ ທ່ານ ນາງ Patricia Danzi ອຳນວຍການອົງການເພື່ອການພັດທະນາ ແລະ ການຮ່ວມມື ແຫ່ງປະເທດສະວິດເຊີແລນ (SDC) ເນື່ອງໃນໂອກາດທີ່ທ່ານເດີນທາງມາຢ້ຽມຢາມປະເທດພາກພື້ນແມ່ນໍ້າຂອງ. ໃນນັ້ນມີ ພະນະທ່ານ ນາງ ສິລິພອນ ສຸພັນທອງ ຮອງເຈົ້າແຂວງຫຼວງພະບາງ, ທ່ານ Pedro Zwahlen ເອກອັກຄະລາດສະທູດສະວິດເຊີແລນ ປະຈຳຣາຊະອານາຈັກໄທ, ກຳປູເຈຍ ແລະ ສປປ ລາວ ແລະ ທ່ານ Jean-Gabriel Duss ຜູ້ອຳນວຍການອົງການ SDC ປະຈຳ ພາກພື້ນແມ່ນໍ້າຂອງເຂົ້າຮ່ວມ. ການນຳສະເໜີໄດ້ຍົກສູງໃຫ້ເຫັນເຖິງບົດບາດຄວາມສຳຄັນ ຂອງອາຫານຈາກທຳມະຊາດ ເປັນຕົ້ນແມ່ນພືດຜັກ, ເຫັດ ແລະ ຊັບພະຍາກອນທຳມະຊາດອື່ນໆ ເຊິ່ງລ້ວນແລ້ວແຕ່ມີບົດບາດຄວາມສຳຄັນຊ່ວຍສະໜັບສະໜູນຊີວິດການເປັນຢູ່ຂອງຊຸມຊົນໃນປະເທດລາວ.