ໃນວັນທີ 7-8 ກັນຍາ 2023, ພາເຂົ້າລາວ ໄດ້ເຂົ້າຮ່ວມກອງປະຊຸມສຳມະນາກ່ຽວກັບການເລີ່ມຕົ້ນໂຄງການກະສິກຳເພື່ອໂພຊະນາການ – ໄລຍະ II (AFN II) ທີ່ໄດ້ຮັບທຶນຈາກໂຄງການອາຫານໂລກ (WFP), ກອງທຶນສາກົນເພື່ອການພັດທະນາກະສິກຳ (IFAD) ແລະ ລັດຖະບານ ແຫ່ງ ສປປ ລາວ. ກອງປະຊຸມດັ່ງກ່າວໄດ້ມີຜູ້ເຂົ້າຮ່ວມທັງໝົດ 200 ກວ່າຄົນ ໂດຍຈັດຂື້ນຢູ່ທີ່ດອນຈັນພາເລດ ນະຄອນຫຼວງວຽງຈັນ.
ໂດຍການຮ່ວມມືກັບ NAFRI, ທີມງານພາເຂົ້າລາວຢູ່ ສູນເພື່ອການພັດທະນາ ແລະ ສິ່ງແວດລ້ອມ (CDE) ຈະສະໜອງຄວາມຮູ້ກ່ຽວກັບແຫຼ່ງອາຫານທ້ອງຖິ່ນ ແລະ ການຄຸ້ມຄອງອາຫານປ່າໃຫ້ແກ່ຄູ່ຮ່ວມງານ ແລະ ຜູ້ໄດ້ຮັບຜົນປະໂຫຍດຈາກ AFN II. ສໍາລັບຈຸດປະສົງດັ່ງກ່າວ NAFRI ແລະ CDE ຈະສັງລວມຄວາມຫຼາກຫຼາຍທາງດ້ານກະສິກໍາເຂົ້າໃນຖານຂໍ້ມູນພາເຂົ້າລາວ (www.phakhaolao.la), ເຊິ່ງມີຈຸດປະສົງເພື່ອເປັນສູນລວມຄວາມຮູ້ທີ່ເປັນ່ເອກະສານ ແລະ ຄຳເວົ້າໃນຂອບເຂດທົ່ວປະເທດ. ຖານຂໍ້ນີ້ຈະສ້າງຄວາມສະດວກໃນການເຂົ້າເຖິງໄດ້ງ່າຍສໍາລັບນັກຮຽນ, ນັກຄົ້ນຄວ້າ, ຜູ້ຊ່ຽວຊານດ້ານການພັດທະນາ, ຜູ້ຕັດສິນໃຈ, ຊຸມຊົນທ້ອງຖິ່ນ, ແລະ ພາກເອກະຊົນ.
