ມື້ນີ້ ເນື່ອງໃນໂອກາດຄົບຮອບ 26 ປີ ວັນອະນຸລັກສັດນ້ຳ ແລະ ສັດປ່າແຫ່ງຊາດລາວ ລັດຖະບານ ແຫ່ງ ສປປ ລາວ ໄດ້ກະກຽມແຜນທີ່ຈະປ່ອຍສັດນໍ້າ ແລະ ສັດປ່າ ຈໍານວນ 62 ລ້ານໂຕ ສູ່ປ່າ ເພື່ອເປັນການປູກຈິດສໍານຶກໃຫ້ ເຫັນເຖິງຄວາມສໍາຄັນຂອງສັດປ່າ.
ພາເຂົ້າລາວ, ພວກເຮົາຍິນດີເປັນຢ່າງສູງຕໍ່ກັບ ການລິເລີ່ມທີ່ສຳຄັນນີ້, ພ້ອມດຽວກັນນັ້ນ ພວກເຮົາຂໍເຊີນຊວນໃຫ້ທຸກໆທ່ານທົ່ວປະເທດລາວ ລວມທັງພົນລະເມືອງ, ຜູ້ວາງນະໂຍບາຍ, ອົງການຈັດຕັ້ງຕ່າງໆ ແລະ ພາກເອກະຊົນ ຈົ່ງຮ່ວມກັນປົກປັກຮັກສາປ່າໄມ້, ດິນບໍລິເວນນໍ້າ ແລະ ລະບົບນິເວດອື່ນໆ, ຖ້າປາສະຈາກຖິ່ນທີ່ຢູ່ອາໄສທີ່ຈຳເປັນເຫຼົ່ານີ້ສັດທີ່ຖືກປ່ອຍອອກມາໃນມື້ນີ້ກໍ ຈະບໍ່ສາມາດເຕີບໃຫຍ່ໄດ້ໃນອະນາຄົດ.
ດັ່ງນັ້ນ, ພາເຂົ້າລາວ ຈຶ່ງມີຄວາມຍຶດໝັ້ນໃນການນຳໃຊ້ຊັບພະຍາກອນທຳມະຊາດແບບຍືນຍົງ, ພວກເຮົາເຊື່ອວ່າ ຊີວະນາໆພັນກະສິກຳ ເປັນຮາກຖານທີ່ສໍາຄັນຂອງລະບົບນິເວດ ແລະ ຖິ່ນທີ່ຢູ່ອາໄສທາງທໍາມະຊາດ. ຊີວະນາໆກະສິກຳ ຄືສິ່ງທີ່ກົງກັນຂ້າມກັບກະສິກຳແບບເຊີງດ່ຽວ (ການປູກພືດພຽງຊະນິດດຽວໃນດິນຕອນໜຶ່ງ) ແລະ ຍັງເປັນສິ່ງທີ່ຊຸມຊົນລາວປະຕິບັດມາເປັນເວລາຫຼາຍສັດຕະວັດແລ້ວ. ເຊິ່ງຊຸມຊົນເຫຼົ່ານີ້ໄດ້ເພິ່ງພາອາໄສຊະນິດພັນທີ່ຫຼາກຫຼາຍເພື່ອເປັນອາຫານ, ຢາ, ເຄື່ອງນຸ່ງຫົ່ມ, ສິ່ງກໍ່ສ້າງ, ສິ່ງປະດັບ ແລະ ທາງດ້ານວັດທະນະທໍາ.
ແຫຼ່ງຂໍ້ມູນ: ຂ່າວສານກະສິກຳ,ປ່າໄມ້ ແລະ ພັດທະນາ ຊົນນະບົດ
