ຕົ້ນຜັກສ້ຽນເປັນພືດລົ້ມລຸກຄົນສ່ວນໃຫຍ່ນິຍົມນໍາມາຄັ້ນເຮັດສົ້ມ ໂດຍນໍາຕົ້ນຜັກສ້ຽນມາປາດໃຫ້ມີຂະໜາດພໍເໝາະແລ້ວນໍາໄປຕາກແດດພໍໝາດເພື່ອກໍາຈັດກິ່ນເໝັນຂຽວ. ຫຼັງຈາກນັ້ນໃຫ້ນໍາເຂົ້ານື້ງສຸກ 1 ກໍາມືຕໍ່ຜັກສ້ຽນ 5 ຖ້ວຍ ນໍາມາຄັ້ນກັບເກືອໃຫ້ມີລົດເຄັມເລັກນ້ອຍ, ເມື່ອສໍາເລັດແລ້ວໃຫ້ນໍາຜັກສ້ຽນທີ່ກຽມໄວ້ໃສ່ລົງໄປແລ້ວຕື່ມນໍ້າຕານ 5 ບ່ວງແກງຄົນໃຫ້ເຂົ້າກັນ ແລະ ປິດຝາພາສະນະໄວ້ປະມານ 3-4 ຄືນສາມາດນໍາມາຮັບປະທານຈະຊ່ວຍບໍາລຸງເລືອດລົມ, ບໍາລຸງຮ່າງກາຍ ແລະ ໃຫ້ພະລັງງານເພາະສົ້ມຜັກສ້ຽນມີສານອະນຸມູນອິດສະຫຼຊ່ວຍຕ້ານມະເຮັງ, ມີລິດຂ້າເຊື້ອ. ຮາກຜັກສ້ຽນໃຊ້ຕົ້ມຮັບປະທານເປັນຢາແກ້ໄຂ້, ແກ້ເລືອດອອກຕາມເຟັນແຂ້ວ, ແກ່ນຜັກສ້ຽນຊ່ວຍຂັບຂີ້ກະເທີ່ ແລະ ບໍາລຸງປອດໃຫ້ເປັນປົກກກະຕິ.
ຮຽບຮຽງໂດຍ: ຟ້າ
ຂໍ້ມູນຈາກ: ໜັງສືພີມເສດຖະກິດ-ສັງຄົມ
