ປີ້ງໄກ່ທາປາແດກ

ສ່ວນປະກອບ:

1. ໄກ່                                     1 ໂຕ
2. ນໍ້າປາແດກ                         1 ບ່ວງກາເຟ
3. ຫົວສີໃຄ                              3 ຫົວ
4. ກະທຽມ                               3 ກີບ
5. ຮາກຫອມປ້ອມ                     4 ຕົ້ນ
6. ເກືອ                                  1 ບ່ວງກາເຟ
7. ແປ້ງນົວ                             1 ບ່ວງກາເຟ
8. ໝາກເຜັດປົ່ນ                      1 ບ່ວງກາເຟ
9. ນໍ້າຕານ                              1/3 ບ່ວງກາເຟ

ວິທີເຮັດ:

1. ເອົາຊີ້ນໄກ່ມາແຜ່ອອກ.
2. ຫຼັງຈາກນັ້ນກໍມາກະກຽມເຄື່ອງປຸງ: ເອົາຫົວສີໄຄ, ກະທຽມ, ຮາກຫອມປ້ອມໃສ່ເກືອໜ້ອຍໜຶ່ງ,  ຕື່ມແປ້ງນົວລົງແລ້ວຕໍາຄົນໃຫ້ເຂົ້າກັນ.
3. ຈາກນັ້ນເອົາເຄື່ອງທີ່ຕໍາໄວ້ແລ້ວນັ້ນເທລົງໃສ່ຊາມຫຼືຖ້ວຍແລ້ວຕື່ມນໍ້າປາແດກລົງ 1 ບ່ວງແກງຕໍ່ໄກ່ 1 ໂຕພ້ອມທັງຕື່ມນໍ້າຕານລົງ 1 ບ່ວງກາເຟໝາກເຜັດປົ່ນ 1 ບ່ວງກາເຟຄົນໃຫ້ເຂົ້າກັນອີກຄັ້ງຈາກນັ້ນກໍເອົາໄປທາໃສ່ໂຕໄກ່ທີ່ເຮົາກຽມໄວ້ແລ້ວນັ້ນ
4. ນຳມາປີ້ງ ປະມານ 30-40 ນາທີ ກໍສາມາດຮັບປະທານໄດ້

ປີ້ງໄກ່ອຸ່ນໆກີນກັບເຂົ້າໜຽວ ແລະ ຕຳໝາກຫຸ່ງແຊບອິຫຼີ