ອຸປາ ຫຼື ໂອະປາ

ສ່ວນປະກອບ:

1. ປານ້ອຍ ໃສ່ຕາມທີ່ຕ້ອງການ
2. ເຂົ້າຂົ້ວ  ໃສ່ຕາມທີ່ຕ້ອງການ
3. ໝາກເຜັດດິບ 5 ໜ່ວຍ 
4. ເກືອ 1 ບ່ວງກາເຟ
5. ນໍ້າສະອາດ ໃສ່ຕາມທີ່ຕ້ອງການ

ການກະກຽມ: 

• ນຳປາໄປລ້າງນໍ້າໃຫ້ສະອາດ ແລະ ເອົາຂີ້ປາອອກ
• ກະກຽມເຂົ້າຂົ້ວໂດຍການນໍາເຂົ້າສານໄປຂົ້ວ ຫຼັງຈາກນັ້ນເອົາໄປຕໍາໃຫ້ລະອຽດ

ການປຸງແຕ່ງ:  

1. ເອົານໍ້າໃສ່ໃນໝໍ້ແລ້ວນໍາເອົາໄປຕັ້ງໄຟ 
2. ຕຳໝາກເຜັດດິບໃສ່ເກືອໃຫ້ລະອຽດ ຈາກນັ້ນໃສ່ລົງໃນໝໍ້

3. ຫຼັງຈາກທິ່ລໍຖ້າຈົນໝໍ້ຮ້ອນ ໃຫ້ນໍາປາທີ່ກຽມໄວ້ນັ້ນໃສ່ລົງໃນໝໍ້ ຕົ້ມໄວ້ປະມານ 3-5 ນາທີ, ຕໍ່ມາໃຫ້ນໍາເອົາເຂົ້າຂົ້ວທີ່ກຽມໄວ້ນັ້ນເທລົງໝໍ້ ແລະ ຄົນໃຫ້ເຂົ້າກັນ

4. ປິດຝາໝໍ້ ຕົ້ມໄວ້ປະມານ 2-3 ນາທີ ກໍສາມາດຮັບປະທານໄດ້ແລ້ວ