ປະກາດຮັບອາສາສະໜັກຮ່ວມງານກັບທີມງານພາເຂົ້າລາວ

Last updated on December 28, 2024
(first published: December 28, 2024)
by

ໂອກາດດີ ສຳຫຼັບນ້ອງນັກສຶກສາທີ່ຕ້ອງການໃຊ້ເວລາວາງໃຫ້ເກີດປະໂຫຍດ, ຕ້ອງການຝຶກຝົນທັກສະ ແລະ ປະສົບການຂອງຕົວເອງ. ທີມງາມພາເຂົ້າລາວຕ້ອງຜູ້ຊ່ວຍຈຳນວນ 2 ຄົນ ເພື່ອຊ່ວຍຮຽບຮຽງ ແລະ ປ້ອນຂໍ້ມູນໃນລະບົບຖານຂໍ້ມູນພາເຂົ້າລາວ. ເງື່ອນໄຂ ແລະ ລາຍລະອຽດດ້ານລຸ່ມນີ້:

ກອບໜ້າວຽກສຳຫຼັບອາສາສະໜັກຝຶກງານ
ຜູ້ຊ່ວຍໃນການຄຸ້ມຄອງລະບົບຖານຂໍ້ມູນ “ພາເຂົ້າລາວ”

ເປົ້າໝາຍ: ເພື່ອຮັບປະກັນໃຫ້ລະບົບພາເຂົ້າລາວ ສາມາດຜະລິດລະບົບຂໍ້ມູນຍ່ອຍຂອງຊະນິດພັນພືດ ແລະ ສັດ ຢ່າງໜ້ອຍ 15 ຫົວຂໍ້ຍ່ອຍໃນຜະລິດຕະພັນໜື່ງ.
ຄວາມຮັບຜິດຊອບສະເພາະ:
ພາຍໃຕ້ການຊີ້ນຳຂອງທີມງານ ພາເຂົ້າລາວ ແລະ ເຮັດວຽກພາຍໃຕ້ໜ່ວຍງານສື່ສານຂອງໂຄງການ ຕາບີ, ນັກສຶກສາຝຶກງານຈະມີສ່ວນໃນກິດຈະກຳຕ່າງໆໂດຍອີງຕາມການມອບໝາຍໃຫ້ຮັບຜິດຊອບແຕ່ລະໜ້າວຽກດັ່ງນີ້:
1.   ດໍາເນີນການຄົ້ນຫາຂໍ້ມູນຈາກຫຼາຍແຫຼ່ງ ເພື່ອເກັບກຳຂໍ້ມູນທີ່ກ່ຽວຂ້ອງກັບຊະນິດພືດຫຼືສັດຕາມທີ່ໄດ້ຖືກມອບໃຫ້ຄົ້ນຄວ້າໂດຍປະກອບມີຂໍ້ມູນດ້ານຕ່າງໆດັ່ງນີ້:
•   ການຄຸ້ມຄອງການຜະລິດ
•   ຄູ່ມືດ້ານວິຊາການ
•   ຂໍ້ມູນຂອງບັນດາຊ່ຽວຊານໃນລາວໃນຂົງເຂດດັ່ງກ່າວ
•   ຂໍ້ມູນການຕະຫຼາດລວມທັງຜູ້ຊື້ຫຼັກ, ລາຄາ ແລະ ແນວໂນ້ມຂອງຕະຫຼາດ
•   ເອກະສານຄົ້ນຄວ້າ
•   ສະມາຄົມທີ່ເຮັດວຽກກ່ຽວກັບຜະລິດຕະພັນສະເພາະ
•   ໂອກາດທາງດ້ານການທ່ອງທ່ຽວ
•   ຮ້ານອາຫານ, ຮ້ານຄ້າ ຫຼື ອົງການຈັດຕັ້ງທີ່ສົ່ງເສີມຜະລິດຕະພັນ
2.   ຊ່ວຍໃນການຈັດກອງປະຊຸມຂອງຜູ້ສະໜອງຂໍ້ມູນຫຼັກໃນການເສີມຂະຫຍາຍລະບົບຖານຂໍ້ມູນໃນຕໍ່ໜ້າ
3.   ຊ່ວຍໃນການປະກອບຂໍ້ມູນລົງໃນເວັບໄຊສ໌
4.   ສືບຕໍ່ຂະຫຍາຍການເຂົ້າເຖິງລະບົບພາເຂົ້າລາວຈາກນັ້ນສຶກສາ ແລະ ບັນດາຄູອາຈານ ໂດຍຜ່ານການໂຄສະນາໃນມະຫາວິທະຍາໄລຕ່າງໆ
5.   ຊ່ວຍທີມງານໂຄງການ ຕາບີ ໃນການຈັດງານກິດຈະກຳຕ່າງໆເພື່ອໂຄສະນາໂຄງການໃຫ້ສັງຄົມຮັບຮູ້
6.   ຄົ້ນຫາຂ່າວປະຈໍາວັນ ແລະ ກິດຈະກໍາກ່ຽວກັບການຮ່ວມມືດ້ານຊີວະນາໆພັນເພື່ອເອົາລົງໃນລະບົບ ແລະ ສື່ສັງຄົມອອນລາວຂອງພາເຂົ້າລາວ
ເງື່ອນໄຂຂອງຜູ້ສະໝັກ:
•   ເປັນນັກສຶກສາທີ່ສຶກສາຂອງຄະນະວິທະຍາສາດປ່າໄມ້, ຄະນະວິທະຍາສາດທຳມະຊາດ, ຄະນະກະເສດສາດ, ຄະນະວິທະຍາສາດວິທະຍາສາດສີ່ງແວດລ້ອມ ແລະ ຕ້ອງສຶກສາປີ 2 ຂຶ້ນໄປ.
•   ສາມາດນຳໃຊ້ Microsoft Office
•   ມີທັກສະທາງດ້ານການສື່ສານໂດຍສະເພາະແມ່ນສາມາດນຳໃຊ້ລະບົບສື່ສັງຄົມອອນລາຍ (facebook, twitter, youtube, website)
•   ມີຄວາມສາມາດສື່ສານເປັນພາສາອັງກິດ ຫຼື ພາສາສາອື່ນໆ
ຄ່າຕອບແທນ:
ທາງໂຄງການມີນະໂຍບາຍສຳລັບການຝຶກງານໂດຍທົ່ວໄປ, ຈະມີຄ່ານ້ຳມັນລົດ ແລະ ອາຫານທ່ຽງໃຫ້ ໂດຍທຽບເທົ່າ150 ໂດລາ ຕໍ່ເດືອນ (ຄິດໄລ່ຕາມວັນເຮັດວຽກຕົວຈິງ) ແລະ ຍິນດີຮັບນັກສຶກສາທີ່ມີເວລາເຮັດວຽກນຳພວກເຮົາເຄິ່ງວັນ ຫຼື ເຕັມວັນກໍໄດ້.