ສົ່ງເສີມການລ້ຽງປາໃນນາເຂົ້າ ແຂວງຊຽງຂວາງ
ການລ້ຽງປາໃສ່ນາເຂົ້າເຊິ່ງເປັນພູມປັນຍາຊາວບ້ານ, ເປັນຮີດຄອງປະເພນີຂອງທ້ອງຖີ່ນທີ່ເຄີຍປະຕິບັດກັນມາຕັ້ງແຕ່ດົນນານຊະນິດປາ,ກົບ,ຂຽດ,ອ່ຽນ ແລະ ແມງໄມ້ຊະນິດຕ່າງໆ ທີ່ສະຫນອງໃຫ້ເປັນອາຫານແກ່ປະຊາຊົນບັນດາເຜົ່າ ໃນການດໍາດົງຊີວິດທີ່ຕິດພັນ ກັບການລ້ຽງປາໃນນາເຂົ້າ. ນອກນີ້, ການລ້ຽງປາໃນນາເຂົ້າຍັງເປັນການຄວບຄຸມພະຍາດແມງໄມ້ ແລະ ວັດຊະພືດ ແລະ ພ້ອມກັນນັ້ນ ປາຍັງໄດ້ພວນດີນ ໃຫ້ຝູ່ນແກ່ຕົ້ນເຂົ້າເຮັດໃຫ້ຜົນຜະລິດເຂົ້າເພີ່ມຂື້ນ ແລະ ຍັງເປັນການສ້າງລາຍຮັບຈາກການຂາຍປາຕື່ມອີກ.
ສົ່ງເສີມການລ້ຽງເຜີ້ງໂກນແມງດັ້ນ ແຂວງຊຽງຂວາງ
ນໍ້າເຜີ້ງ ແມ່ນຜົນຜະລິດ ທີ່ສໍາຄັນຈາກປ່າທໍາມະຊາດເປັນຕົວຊີ້ບອກ ເຖີງຄວາອຸດົມສົມບູນຂອງຊິວະນາໆພັນທີ່ມີປ່າໄມ້ດົກຫນາແມ່ນຈະມີເຜີ້ງອາໄສ່. ປະຊາຊົນບັດາເຜົ່າໃນທ້ອງຖີ່ນ ເຄີຍລ້ຽງເຜີ້ງໂກນສືບທອດກັນມາແຕ່ດົນນານ ແລະ ເຄີຍນໍາໃຊ້ ນໍ້າເຜີ້ງເພື່ອບໍລິໂພກ,ເຮັດຢາປົວພະຍາດ ແລະ ຂາຍເປັນສີນຄ້າ ສ້າງລາຍຮັບໃຫ້ແກ່ຄອບຄົວ. ຢູແຂວງຊຽງຂວາງການລ້ຽງເຜີ້ງໂກນແມ່ນມີການລ້ຽງຢູ່ທຸກໆເມືອງແຕ່ທາງວິຊາການໄດ້ລົງສົ່ງເສີມການລ້ຽງມີຢູ່ 3 ເມືອງຄື: ເມືອງຄູນ, ເມືອງແປກ ແລະ ເມືອງພູກູດ.
ຍຸດທະສາດຊີວະນາໆພັນກະສິກໍາຂອງແຂວງຊຽງຂວາງ
ການອານຸລັກຊີວະນາໆພັນກະສິກຳ ທາງດ້ານຈຳນວນ ແລະ ຄຸນນະພາບ
ບົວຊົວສະຖິຕິຂອງພາເຂົ້າລາວ (Pha Khao Lao Infographic Brochure)
ຜູ້ເຂົ້າເບິ່ງສ່ວນໃຫຍ່ແມ່ນໄວໜຸ່ມທັງແມ່ຍິງ ແລະ ຜູ້ຊາຍ (ອາຍຸ 18-34ປີ) ທີ່ມີນຳໃຊ້ລະບົບເລື້ອຍໆ ໂດຍສະເພາະແມ່ນການໃຊ້ລະບົບໃນເຟສບຸກ. ອັດຕາການເຂົ້າອອກເວັບໄຊ໌ແມ່ນ 54% ສະແດງໃຫ້ເຫັນວ່າຜູ້ທີ່ເຂົ້າເບິ່ງຍັງໃຊ້ຢູ່ໃນລະບົບ.ການໃຊ້ລະບົບທາງໂທລະສັບມືຖືແມ່ນມີຄວາມພົ້ນເດັ່ນຫຼາຍ ມີຄວາມຕ້ອງການໃຫ້ພັດທະນາແອບພລິເຄຊັນພາເຂົ້າລາວເພື່ອງານໃນການໃຊ້ທາງມືຖື. ໜ້າຫຼັກຍັງເປັນໜ້າທີ່ສຳຄັນໃນການເຂົ້າເບິ່ງ. ເຟສບຸກເປັນເວທີຂອງການສົນທະນາທີ່ສຳຄັນ ແລະ ສາມາດໃຊ້ເພື່ອໂຄສະນາຊີວະນາໆພັນ, ຫົວຂໍ້ສົນທະນາ ຫຼື ຜູ້ປະກອບການ. ເອກະສານ ແລະ ສື່ສີ່ງພີມຕ່າງໆແມ່ນໄດ້ຮັບຄວາມນິຍົມ ແລະ ມີຜູ້ສົນໃຈຫຼາຍ.
ລັດທພດຳລັດຂອງປະທານປະເທດ ສປປ ລາວ ກ່ຽວກັບການປະກາດໃຊ້ກົດໝາຍວ່າດ້ວຍສົດປ່າ (ສະບັບປັບປຸ່ງ)
-ອີງຕາມລັດທະທຳມະນູນ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ (ສະປັບປັບປຸ່ງ ປີ 2015) ໝວດທີ່ VI ມາດຕາ 67 ຂໍ້ທີ່ 1; -ອີງຕາມມະຕິກອງປະຊຸມສະພາແຫ່ງຊາດ ສະບັບເລກທີ່ 92/ສພຊ, ລົງວັນທີ່ 17 ກໍລະກົດ 2023 ກ່ຽວກັບການຮັບຮອງເອົາກົດໝາຍວ່າດ້ວຍສັດປ່າ (ສະບັບປັບປຸ່ງ); -ອີງຕາມໜັງສືການສະເໜີຂອງຄະນະປະຈຳສະພາແຫ່ງຊາດ ສະບັບເລກທີ່ 26/ຄປຈ, ລົງວັນທີ່ 15 ສິງຫາ 2023.
ແຈ້ງການ: ງານເທດສະການບຸນເຂົ້າໄກ່ນ້ອຍທີ່ ແຂວງ ຊຽງຂວາງ.
ອີງຕາມ ຂໍ້ຕົກລົງ ວ່າດ້ວຍການຈັດຕັ້ງ ແລະ ເຄື່ອນໄຫວ ຂອງພະແນກກະຊິກຳ ແລະ ປ່າໄມ້ ແຂວງ ຊຽງຂວາງ, ສະບັບເລກທີ່ 552/ຊຂ; ຊຽງຂວາງ, ວັນທີ່03 ສິງຫາ 2022 ອີງຕາມ ຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບຈັດງານເທດສະການບຸນເຂົ້າໄກ່ນ້ອຍ ແລະ ສະເຫຼີມສະຫຼອງປີທ່ອງທ່ຽວລາວ 2024 ແຂວງ ຊຽງຂວາງ, ສະບັບເລກທີ 839/ຊຂ; ວັນທີ່ 31 ຕຸລາ 2024.
ສູນວາງສະແດງ ແລະ ຈັດຈຳໜ່າຍຜະລິດຕະພັນເຜິ້ງ
ສູນດັ່ງກ່າວ ສ້າງຕັ້ງຂຶ້ນໃນປີ 2019ຜ່ານການຮ່ວມມືລະຫວ່າງຫ້ອງການກະສິກໍາ ແລະ ປ່າໄມ້ ແຂວງຊຽງຂວາງ ແລະ ອົງການ Terra Renaissance, ເປົ້າໝາຍຂອງສູນແມ່ນເພື່ອສົ່ງເສີມການສ້າງລາຍຮັບໃຫ້ແກ່ຊຸມຊົນທ້ອງຖິ່ນ ຄຽງຄູ່ໄປກັບປົກປັກຮັກສາລະບົບນິເວດ. ໂດຍການສົ່ງເສີມການຈັດຕັ້ງປະຕິບັດການລ້ຽງເຜິ້ງໂກນແບບຍືນຍົງ ເຊິ່ງຈະຊ່ວຍຮັກສາປ່າໄມ້ໃຫ້ອຸດົມສົມບູນ ແລະ ສົ່ງເສີມຊີວິດການເປັນຢູ່ທີ່ເຊື່ອມສານກັບການປົກປັກຮັກສາສິ່ງແວດລ້ອມ. ເອົາຊະນະສິ່ງທ້າທາຍດ້ວຍການຮ່ວມມືຈາກຫຼາຍພາກສ່ວນ ເຖິງວ່າຈະມີສິ່ງທ້າທາຍຕ່າງໆບໍ່ວ່າຈະເປັນການເຂົ້າເຖິງຕະຫຼາດທີ່ຈໍາກັດ, ການຂາດທຶນ, ແລະ ຄວາມຊໍານານດ້ານວິຊາການບໍ່ພຽງພໍ ສູນດັ່ງກ່າວຍັງຄົງມີການເຄື່ອນໄຫວມາຫຼາຍກວ່າຫ້າປີ. ໃນໄລຍະນີ້, ໄດ້ສຸມໃສ່ການຜະລິດນ້ຳເຜິ້ງທີ່ມີຄຸນນະພາບສູງ, ມີການຝຶກອົບຮົມໃຫ້ຜູ້ລ້ຽງເຜິ້ງ, ແລະ ດຳເນີນການຄົ້ນຄວ້າຕະຫຼາດເພື່ອຂະຫຍາຍໂອກາດ ເຊິ່ງຄວາມພະຍາຍາມເຫຼົ່ານີ້ໄດ້ນໍາໄປສູ່ຄວາມສຳເລັດໃນປະຈຸບັນ. ນອກນັ້ນ, ສູນດັ່ງກ່າວໄດ້ຊ່ວຍໃຫ້ປະຊາຊົນທ້ອງຖິ່ນມີລາຍຮັບແບບຍືນຍົງ ພ້ອມທັງປະກອບສ່ວນອະນຸລັກສິ່ງແວດລ້ອມ. ນ້ຳເຜີ້ງແຂວງຊຽງຂວາງ ມີເອກະລັກສະເພາະທາງດ້ານລົດຊາດ ແລະ ມີກິ່ນຫອມຈາກແຫຼ່ງດອກໄມ້ຫຼາກຫຼາຍຊະນິດໃນພາກພື້ນ ເຊິ່ງໄດ້ຮັບຄວາມສົນໃຈທັງພາຍໃນ ແລະ ຕ່າງປະເທດ. ການບໍລິການສໍາລັບຜູ້ທີ່ສົນໃຈລ້ຽງເຜິ້ງໃນອະນາຄົດ ສໍາລັບຜູ້ທີ່ສົນໃຈໃນການເລີ່ມຕົ້ນທຸລະກິດລ້ຽງເຜິ້ງໂກນເປັນຂອງຕົນເອງ, ສູນກໍຍິນດີທີ່ຈະສະຫນອງຄໍາແນະນໍາ ແລະ ການສະຫນັບສະຫນູນທີ່ມີຄຸນຄ່າ.ດ້ວຍການກະກຽມ ແລະ ຄວາມມຸ່ງຫມັ້ນ ເຊື່ອວ່າເຫຼົ່າຜູເລິເລີ່ມລ້ຽງເຜິ້ງໂກນ ຈະສາມາດຊ່ວຍປົກປັກຮັກສາສິ່ງແວດລ້ອມຄຽງຄຸ່ໄປກັບຄວາມເພີດເພີນ ແລະ ຄວາມສຸກຈາກຜົນປະໂຫຍດຂອງກິດຈະກຳເຫຼົ່ານີ້ໄດ້. ພວກເຮົາເຊີນທ່ານໄປຢ້ຽມຢາມສູນເພື່ອຮຽນຮູ້ເພີ່ມເຕີມກ່ຽວກັບຜະລິດຕະພັນ້ໍາເຜີ້ງຂອງພວກເຮົາ ແລະ ລິເລີ່ມລ້ຽງເຜິ້ງໂກນໄປນໍາກັນ.
ຄູ່ມືພາກສະໜາມພັນພືດທີ່ມະຫັດສະຈັນທາງທຳມະຊາດຂອງພູເບ້ຍ ເມືອງອານຸວົງ ແຂວງໄຊສົມບູນ
ພູເບ້ຍ ເປັນພູທີ່ສູງສຸດຂອງ ສປປ ລາວ ໃນລະດັບຄວາມສູງ 2.820 ແມັດ, ມີທີ່ຕັ້ງໃນເມືອງອານຸວົງ, ແຂວງໄຊສົມບູນ, ເຊິ່ງປົກຄຸມດ້ວຍປ່າໄມ້ທີ່ມີຄຸນຄ່າທາງດ້ານເສດຖະກິດ ແລະ ຊີວະນາໆພັນທີ່ອຸດົມສົມບູນ ເປັນເອກະລັກ ແລະ ມະຫັດສະຈັນ, ນອກຈາກນັ້ນຍັງເປັນບ່ອນຢູ່ອາໄສຂອງສັດປ່າຫຼາຍຊະນິດ ເຊັ່ນ: ໝີ, ເໝືອຍ, ເຍືອງ, ໝູປ່າ, ກວາງ, ຟານ, ທະນີ, ລີງ, ຂາແດງ ແລະ ອື່ນໆ. ພູເບ້ຍມີຄວາມເໝາະສົມໃນການພັດທະນາໃຫ້ເປັນແຫຼ່ງທ່ອງທ່ຽວທຳມະຊາດທີ່ສາມາດສ້າງກິດຈະກຳທ່ອງທ່ຽວໄດ້ຢ່າງຫຼາກຫຼາຍຮູບແບບ. ບໍລິສັດກຸ່ມຄຳໄພຊະນະ ຈຶ່ງໄດ້ສຶກສາຄວາມເປັນໄປໄດ້ໃນການພັດທະນາພູເບ້ຍ ໃຫ້ເປັນແຫຼ່ງທ່ອງທ່ຽວຕາມໂຄງການ “phubia paradise” ນັບແຕ່ປີ 2018 ເປັນຕົ້ນມາ.
ບັນຊີລາຍຊື່ພືດທີ່ມີທໍ່ລຳລຽງຂອງ ສປປ ລາວ (A Checklist of the Vascular Plants of Lao PDR version 1.0)
ປື້ມບັນຊີລາຍຊື່ພືດຂອງສປປລາວເຫຼັ້ມນີ້ໄດ້ລວບລວມລາຍຊື່ພືດຂອງລາວທີ່ໄດ້ ປັບປຸງ ແລະ ໄດ້ບັນທຶກໄວ້ໃນເວບໄຊດ໌ຂອງສວນພຶກສາສາດເອດິນເບີກ (https://padme.rbge.org.uk/laos/list) ເຖິງ 2021, ພ້ອມທັງມີການເພີ່ມບັນດາລາຍຊື່ຊະນິດພືດຂອງ ລາວ ທີ່ຜ່ານການພັນລະນາ ແລະ ຈັດພິມ ໂດຍນັກຄົ້ນຄວ້າຂອງນັກພຶກສາສາດຂອງລາວ ແລະ ຕ່າງປະເທດ ໄດ້ພິມອອກໃນວາລະສານທາງວິທະຍາສາດພາຍໃຕ້ການສະໜັບສະໜູນຂອງໂຄງ ການສ້າງຄວາມເຂັ້ມແຂງທາງດ້ານການຄົ້ນຄວ້າວິທະຍາສາດຂອງຄະນະວິທະຍາສາດທຳ ມະຊາດ, ມະຫາວິທະຍາໄລແຫ່ງຊາດ ທີ່ມີການພົວພັນກັບການອະນຸລັກຊີວະນາໆພັນ ແລະ ການປົກປັກຮັກສາສິ່ງແວດລ້ອມ (PICE / LAN 2).
ເປັນຫຍັງເຮົາຈຶ່ງຕ້ອງໃຫ້ດິນຖ່ານຕົມປຽກຊຸ່ມຢູ່ຕະຫຼອດເວລາ?
ດິນຖ່ານຕົມທີ່ປຽກຊຸ່ມສາມາດເກັບກັກທາດກາກບອນໄດ້ດີ ເຊິ່ງຊ່ວຍຫຼຸດຜ່ອນຜົນກະທົບທີ່ເຮັດໃຫ້ເກີດພາວະໂລກຮ້ອນ ແລະ ຫຼຸດຜ່ອນອັດຕາການເກີດໄພພິບັດ ຈາກສະພາບດິນຟ້າອາກາດ.
