ຂໍ້ສະເໜີດ້ານກົດໝາຍສຳລັບຊາວກະສິກອນຂະໜາດນ້ອຍເພື່ອລຸດຜ່ອນຄວາມສ່ຽງໃນການຜະລິດຜັກອິນຊີ

ຜັກອິນຊີເປັນບູລິມັດສິດຂອງລັດຖະບານລາວ ໃນການພັດທະນາສີຂຽວ, ແບບຍືນຍົງ ແລະ ສະໜັບສະໜູນການຜະລິດກະສິກຳສະອາດ ເພື່ອ ຄໍ້າປະກັນສະບຽງອາຫານ ແລະ ຜະລິດ ເປັນສິນຄ້າ. ນອກຈາກນັ້ນ, ການຜະລິດຜັກອິນຊີ ເປັນກິດຈະກຳທີ່ສໍາຄັນຂອງຄອບຄົວ ຊາວກະສິກອນຂະໜາດນ້ອຍ ໃນການຕອບສະໜອງທາງດ້ານອາຫານ ແລະ ລາຍຮັບ. ແຕ່ ວ່າ, ມີຫຼາກຫຼາຍບັນຫາສົ່ງຜົນກະທົບຕໍ່ການຜະລິດຂອງຊາວກະສິກອນຂະໜາດນ້ອຍ ເປັນຕົ້ນ ການຕະຫຼາດ ພາຍໃນ ແລະຕ່າງປະເທດ, ສະພາບແວດລ້ອມທີ່ມີການປ່ຽນແປງ, ເງິນທຶນ ແລະ ຕົ້ນທຶນການຜະລິດ, ໂຄງລ່າງພື້ນຖານ, ຄວາມຮູ້ ແລະ ປະສົບການຂອງຊາວ ກະສິກອນ, ການຂໍໃບຢັ້ງຢືນກະສິກຳອິນຊີ, ບົດບາດຍິງຊາຍ ແລະ ເຕັກໂນໂລຊີການ ຜະລິດ. ຂໍສະເໜີທາງດ້ານນະໂຍບ່າຍໃນໄລຍະສັ້ນ ແລະ ໄລຍະຍາວໄດ້ຖືກບັນຈຸໃນບົດ ການຄົ້ນຄວ້າ ເພື່ອຊ່ວຍຊາວກະສິກອນຂະໜາດນ້ອຍຜູ້ທີ່ຜະລິດຜັກອິນຊີ.