ສ່ວນປະສົມ
• ເຫັດບີ້ແຫ້ງ 2-3 ຈອກກາເຟ (ແຊ່ນ້ຳໃສ່ເກືອ ½ ບ່ວງຊາ 10 ນາທີ)
• ເກືອ ½ ບ່ວງຊາ
• ກະທຽມ 4 ຫົວໃຫ່ຍ
• ຫົວຜັກບົ່ວແດງ 4 ຫົວນ້ອຍ
• ໝາກເຜັດດິບສີຂຽວ 10 ໜ່ວຍນ້ອຍ
• ຫົວສີໄຄ 2 ຫົວ
• ນ້ຳມັນ ½ ຈອກກາເຟ
• ໄຂ່ 1 ໜ່ວຍ (ສຳລັບ ຊີ້ນໝູ ຫຼື ໄກ່ 1 ກຳມື)
• ຫອມບົ່ວໃບຊອຍ ¾ ຈອກກາເຟ
• ຜັກອີ່ຕູ່ ¾ ຈອກກາເຟ
• ນ້ຳປາ 3 ບ່ວງແກງ
ວິທີປຸງແຕ່ງ
1. ຕຳກະທຽມ, ຫົວຜັກບົ່ວ ແລະ ໝາກເຜັດໃສ່ເກືອ ປະມານ2-3 ນາທີ, ຕາມດ້ວຍຫົວສີໄຄ
2. ຄ້າງໝໍ້ໃຫ້ຮ້ອນແລ້ວໃສ່ນ້ຳມັນ ເພື່ອທອດສ່ວນປະສົມທີ່ຕຳໄວ້ ປະມານ 2-3 ນາທີຈົນກວ່າກະທຽມ ແລະ ຫົວສີໄຄ ຈະສຸກ
3. ຫາກໃສ່ຊີ້ນໝູ ຫຼື ໄກ່ ຂົ້ວຈົນກ່ວາຈະປ່ຽນສີ
4. ໃສ່ເຫັດ ພ້ອມນ້ຳປາ 2 ບ່ວງແກງ ຂົ້ວສ່ວນປະສົມຕ່າງໆ ໃຫ້ເຂົ້າກັນ
5. ຖ້າໃສ່່ໄຂ່ ຄວນຄົນໃຫ້ເຂົ້າກ່ອນທີ່ເທລົງໝໍ້
6. ໃສ່ຜັກຫອມຕ່າງໆ ແລະ ນ້ຳປາ ຫຼື ເຄື່ອງປຸງຕ່າງໆ ຕາມຕ້ອງການ ແລ້ວຂົ້ວຈົນກວ່ານ້ຳຈະແຫ້ງ
7. ຕັກໃສ່ຈານ ກິນກັບອາຫານປະເພດຕ່າງໆ ຕາມຕ້ອງການ
ຂໍ້ມູນຈາກ ອາຫານພາກເໜືອລາວ ປຶ້ມສູດອາຫານຂອງເຮືອນພັກທ່າເຮືອ
ວີດີໂອໂດຍ ครัวบ้านฉัน เค็มมันหวานหอม
