ວິທີການຈັກສານຫວດໜຶ້ງເຂົ້າ
ຄຸນປະໂຫຍດຂອງຫວດໜຶ້ງເຂົ້າ
ຫວດ ເປັນເຄື່ອງຫັດຖະກໍາອັນໜຶ່ງທີ່ສານດ້ວຍໄມ້ປ່ອງ, ສາມາດນໍາໄປຈັດວາງຈໍາໜ່າຍຕາມຮ້ານຕ່າງໆ, ຖ້າສານໄດ້ຫຼາຍກໍ່ສາມາດສ້າງລາຍໄດ້ໃຫ້ແກ່ຄອບຄົວໄດ້. ຫວດໃຊ້ເພື່ອໜຶ້ງຂອງກິນຊະນິດຕ່າງໆໄດ້ເຊັ່ນ: ເຂົ້າ, ຜັກ, ປາ, ຊີ້ນ ແລະ ອາຫານຊະນິດຕ່າງໆ.
ອຸປະກອນ
1. ມີດ ຫຼື ພ້າ
2. ໄມ້ປ່ອງ
3. ຫວາຍ
4. ເຫຼັກຊີ
ການຈັດຕອກ
ເລືອກໄມ້ປ່ອງທີ່ຍາວ, ລໍາໜຽວດີ ແລະ ບໍ່ຄວນເອົາໄມ້ປາຍກຸດເພາະມັນຜ່ອຍ, ເມື່ອເລືອກໄດ້ຕົງກັບຄວາມຕ້ອງການແລ້ວເອົາມາຕັດເປັນທ່ອນຍາວປະມານ 40-60 ຊມ (ປະມານ 2-3 ກາດ) ມາສິນສົ້ນໃຫ້ພຽງດີເສຍກ່ອນ. ຫຼັງຈາກນັ້ນນໍາມາຜ່າເປັນບີ້ງນ້ອຍໆປະມານ 2 ຊມ ແລ້ວກໍ່ລົງມືຈັກບີ້ງໜຶ່ງໃຫ້ໄດ້ປະມານ 4 ເສັ້ນ ສ່ວນເຕືອກ ແລະ ຕີວບໍ່ຄວນເອົາ, ສ່ວນການຈັກຕອກໃຫ້ມີຄວາມສະໝໍ່າສະເໝີ, ບໍ່ໜາ ຫຼື ບາງເກີນໄປ ແລ້ວສອງສົ້ນໃຫ້ພໍດີ ແລະ ເທົ່າກັນ.
ການສານຫວດໜຶ່ງເຂົ້າ
ເມື່ອໄດ້ຕອກຕາມທີ່ຕ້ອງການແລ້ວກໍລົງມືສານໂດຍການໃຊ້ຕອກແປດເສັ້ນມາແບ່ງອອກເປັນເບື້ອງລະ 8 ເສັ້ນ, ເພື່ອໃຫ້ກົ້ນຫວດນັ້ນໃຫຍ່ ແລະ ດືງຕອກອອກເບື້ອງລະເສັ້ນ ເພື່ອໃຫ້ມັນມີບີຢູ່ປະມານ 25 ຊມ ຈຶ່ງມ້ວນປາກ ຫຼື ພາຍປາກຫວດຄືຕິນຂີ້ເຂັບ.
ຂໍ້ມູນຈາກ: ເອກະສານປະກອບການສອນ ວິຊາ ການປຸງແຕ່ງເຄື່ອງປ່າຂອງດົງ, ວິທະຍາໄລກະສິກໍາ ແລະ ປ່າໄມ້ພາກເໜືອ.
