ແໜມປາ

ສ່ວນປະກອບ

• ປານິນ ຫລື ປາຄໍ່ 2 ໂຕ
• ເຂົ້າໂຄບ 1 ຖ້ວຍນ້ອຍ
• ໝາກປີ 2 ຫົວ
• ຖົ່ວງອກ ປະລິມານຕາມຕ້ອງການ
• ໝາກແຄ້ງ ປະລິມານຕາມຕ້ອງການ
• ຫອມບົວໃບ,ຫອມປ້ອມ 5 -10 ຕົ້ນ
• ຫົວສີໄຄ 3 ຫົວ
• ໃບຂີ້ຫູດ 3 ໃບ
• ເກືອ 1 ບ່ວງກາເຟ
• ຜັກສະຫຼັດ,ຫອມລາບ,ຫອມປ້ອມ,ຫອມບົ່ວໃບ ສຳລັບພັນແໜມ
• ນ້ໍາແຈ່ວສຳລັບພັນແໜມ

ວິທີປຸງແຕ່ງ

1. ຕົ້ມນໍ້າໃຫ້ຟົດດີ ໃສ່ຫົວສີໄຄ,ໃບຂີ້ຫູດ,ເກືອລົງໄປ ແລ້ວຕາມດ້ວຍປາ,ຕົ້ມໄປເລື້້ອຍໆຈົນປາສຸກ ແລ້ວກໍ່ຕັກອອກປະໄວ້ໃຫ້ເຢັນ.
2. ຊອຍໝາກປີ ແລະ ຕໍາເຂົ້າໂຄບໃຫ້ມຸ່ນດີ ປະໄວ້.
3. ໃຈ້ເອົາຊີ້ນປາໃຫ້ລະອຽດ
4. ເອົາຊີ້ນປາ,ເຂົ້າໂຄບ,ໝາກປີ,ຖົ່ວງອກ, ນຳມາຄົນໃຫ້ເຂົ້າກັນ ປຸງລົດຊາດຕາມໃຈມັກ ແລ້ວກໍ່ໃສ່ໝາກແຄ້ງ,ຫອມບົ່ວ,ຫອມປ້ອມ .
5. ພ້ອມຮັບປະທານກັບຜັກສະຫລັດ ແລະ ນໍ້າແຈ່ວແຊບໆ