ນ້ຳເຜິ້ງເປັນອາຫານທີ່ຜະລິດຈາກເຜິ້ງໂດຍການນຳໃຊ້ນ້ຳຫວານຂອງດອກໄມ້ມີສັບພະຄຸນທາງຢາ ແລະ ມີຄຸນຄ່າທາງໂພຊະນາການ ຈຶ່ງເຮັດໃຫ້ນ້ຳເຜິ້ງມີລາຄາສູງ ແລະ ມີການສວາຍໂອກາດເຮັດນ້ຳເຜິ້ງປອມແປງມາຂາຍ ສະນັ້ນມື້້ນີ້ເຮົາຈຶ່ງນຳເອົາວິທີກວດສອບນ້ຳເຜິ້ງແທ້ມາຝາກກັນ.
ວິທີທົດສອບ
ວິທີ 1
ຢອດນ້ຳເຜິ້ງລົງເຈ້ຍທິດຊູ່ ຫາກນ້ຳເຜິ້ງໄຫຼອອກເປັນລັກກສະນະວົງມົນແມ່ນນ້ຳເຜິ້ງປອມ.
ວິທີ 2
ຢອດນ້ຳເຜິ້ງລົງນ້ຳ ຫາກແມ່ນນ້ຳເຜິ້ງແທ້ຈະມີລັກສະນະເປັນກ້ອນກ້ອນແລ້ວຈຶ່ງລະລາຍເທື່ອລະໜ້ອຍ.
ວິທີ 3
ເອົາໄມ້ຈຸບນ້ຳເຜິ້ງຂຶ້ນ ຫາກນ້ຳເຜິ້ງແທ້ມັນຈະໄຫຼເປັນສາຍບໍ່ຂາດ ແລ້ວຈະພັບເປັນກອງຊັ້ນໆແລ້ວຈຶ່ງລວມເປັນເນື້ອດຽວກັນ.
ວິທີ 4
ເທນ້ຳເຜິ້ງລົງຝາມືແລ້ວຈຶ່ງໄປລ້າງຫາກລ້າງອອກງ່າຍ ແລະ ບໍ່ໜຽວສະແດງວ່າເປັນນ້ຳເຜິ້ງແທ້.
ວິທີ 5
ຈຸ່ມໄມ້ຂີດໄຟລົງນ້ຳເຜິ້ງ ຫາກມັນຕິດໄຟສະແດງວ່າເປັນນ້ຳເຜິ້ງແທ້ແນ່ນອນ.
