ຕັບເປັນອະໄວຍະວະທີ່ສຳຄັນຂອງຮ່າງກາຍມີໜ້າທີ່ໃນການກຳຈັດສິ່ງເສດເຫຼືອ ແລະ ສານພິດຕົກຄ້າງໃນຮ່າງກາຍທີ່ໄດ້ຮັບຈາກການຮັບປະທານອາຫານຕ່າງໆອອກມາ ສະນັ້ນການເລືອກກິນອາຫານທີ່ມີປະໂຫຍດ ແລະ ຊ່ວຍບຳລຸງຕັບນັັ້ນຖືເປັນສິ່ງສຳຄັັນ ອາຫານທີ່ຊ່ວຍບຳລຸງຕັບມີດັ່ງນີ້:
ໝາກຂາມປ້ອມ
ໝາກຂາມປ້ອມສາມາດຊ່ວຍບຳລຸງຕັບໄດ້ ເພາະອຸດົມໄປດ້ວຍວິຕາມິຊີ ທັງຊ່ວຍປ້ອງກັນການເກີດພິດໂລຫະໜັກຕໍ່ຕັບ ແລະ ຊ່ວຍປ້ອງກັນການເກີດມະເຮັງຕັບ ພ້ອມຊ່ວຍຮັກສາການຕິດເຊື້ອຂອງຕັບອັກເສບໄດ້ອີກດ້ວຍ.
ເຫັດຊະນິດຕ່າງໆ
ເຫັດແມ່ນພືດຊະນິດໜຶ່ງທີ່ຊ່ວຍບຳລຸງຕັບໄດ້ເຊັ່ນກັນບໍ່ວ່າຈະເປັນເຫັດເຟືອງ, ເຫັດນາງຟ້າ, ເຫັດຫູໜູ ແລະ ເຫັດຫຼີນຈື… ເຫັດຈະຊ່ວຍຫຼຸດໄຂມັນໃນຕັບໄດ້ ນອກຈາກນີ້ຍັງຊ່ວຍຕໍ່ຕ້ານການເກີດມະເຮັງຕັບ ແລະ ຊ່ວຍເພີ່ມເມັດເລືອດຂາວໃນຮ່າງກາຍອີກດ້ວຍ.
ຂີ້ໝີ້ນ
ສາມາດຊ່ວຍໃຫ້ຕັບແຂງແຮງ ແລະ ຊ່ວຍລ້າງສານພິດອອກຈາກຕັບ ສົ່ງຜົນໃຫ້ຕັບເຮັດວຽກໄດ້ຢ່າງມີປະສິດທິພາບ.
ມັນດ້າງ
ມັນດ້າງເປັນອາຫານທີ່ຊ່ວຍບຳລຸງຕັບໄດ້ເປັນຢ່າງດີ ເພາະໃນມັນດ້ງມີສານອາຫານກລູໂຄຊີໂນເລດ ທີ່ເປັນປັດໃຈສຳຄັນທີ່ກະຕຸ້ນໃຫ້ຕັບອ່ອນຜະລິດເອນໄຊໃນການຕໍ່ຕ້ານສານພິດ ນອກນີ້ຍັງສາມາດຊ່ວຍກະຕຸ້ນຂະບວນການຍ່ອຍອາຫານສົ່ງຜົນໃຫ້ລະບົບຕ່າງໆໃນຮ່າງກາຍສາມາດເຮັດວຽກໄດ້ຢ່າງມີປະສິດທິພາບ.
ກະລ່ຳປີ
ເປັນອີກໜຶ່ງອາຫານທີ່ຊ່ວຍບຳລຸງຕັບໄດ້ເປັນຢ່າງດີ ເພາະໃນກະລ່ຳປີມີສານທີ່ຊ່ວຍລ້າງສານພິດ ຫຼັງຈາກທີ່ເຮົາດື່ມເຄື່ອງເຄື່ອງມືນເມົາ ຫຼື ແອລກໍຮໍ ເຂົ້າໄປໃນຮ່າງກາຍ.
ຫົວກາຣົດ
ກາຣົດເປັນພືດທີ່ອຸດົມໄປດ້ວຍວິຕາມິນຊະນິດຕ່າງໆເຊັ່ນ: ວິຕາມິນ A, B1, B2, C, D ແລະ K ນອກຈາກນີ້ຍັງມີໂຊດຽມ, ໂພສແທກຊຽມ, ທາດເຫຼັກ, ສັງກະສີ ແລະ ທອງແດງ ເຊິ່ງທັງໝົດນີ້ແມ່ນຄຸນສົມບັດຊ່ວຍບຳລຸງຕັບ.
ຜັກສີຂຽວ
ຜັກສີຂຽວທີ່ຊ່ວຍບຳລຸງຕັບມີຫຼາຍຊະນິດບໍ່ວ່າຈະເປັນ ຜັກບົ້ງ, ຜັກຫົມ, ຜັກກາດ ແລະ ຜັກອື່ນໆ ທີ່ມີຄຸນສົມບັດໃນການປ້ອງກັນການເກີດໂລຫະໜັກໃນຕັບໄດ້ ໂດຍສະເພາະແມ່ນສານພິດຕ່າງໆຈາກຢາຂ້າແມງໄມ້.
ຊາຂຽວ
ຊາຂຽວມີສານຕ້ານອານຸມູນອິດສະຫຼະ ຈຶ່ງສາມາດຊ່ວຍບຳລຸງຕັບໄດ້ດີ ແລະ ປ້ອງກັນການເກີດມະເຮັງໃນຕັບອີກດ້ວຍ.
