1. ເລືອກເຫັດທີ່ບໍ່ມີກີບສີຂາວ. ໃຫ້ຊອກເຫັດທີ່ມີກີບສີນ້ໍາຕານ ຫຼື ສີນ້ຳຕານແກ່. ໃນຂະນະທີ່ເຫັດບາງຊະນິດທີ່ມີກີບສີຂາວນັ້ນສາມາດກິນໄດ້, ແຕ່ເຫັດທີ່ມີທາດເບື່ອ ແລະ ອັນຕະລາຍທີ່ສຸດຄືຕະກຸນ Amanitas ທີ່ເກືອບຈະມີກີບສີຂາວເກືອບທຸກຊະນິດ.
2. ເລືອກເຫັດທີ່ບໍ່ມີຈຸດສີແດງຢູ່ດອກ ຫຼື ກ້ານ. ເລືອກເຫັດທີ່ມີດອກ ແລະ ກ້ານທີ່ມີສີຂາວ, ສີນ້ຳຕານແກ່ ຫຼື ສີນ້ໍາຕານ. ເຫັດແດງຫຼາຍຊະນິດມີທາດເບື່ອ. ເຫັດທີ່ມີສີແດງໃຊ້ເພື່ອເຕືອນສັດຕູ້ພືດໃນທໍາມະຊາດທີ່ຈະກິນມັນໂດຍສະເພາະແມ່ນສີສັນ, ເພື່ອບອກໃຫ້ຜູ້ກີນ – ລວມທັງຕົວທ່ານ ໃຫ້ຫຼີກລ້ຽງ.
3. ຊອກເຫັດທີ່ບໍ່ມີເກັດຢູ່ດອກ. ຫຼີກລ້ຽງເຫັດທີ່ມີ ຮອຍຂີດ ຫລື ຮອຍເກັດ ສີຈາງ ຫຼື ສີເຂັ້ມຢູ່ເທິງດອກເຫັດ, ຊຶ່ງອາດຈະປາກົດເປັນຈຸດ. ຈຸດເຫຼົ່ານີ້ແມ່ນພົບທົ່ວໄປໃນບັນດາແນວພັນເຫັດເບື່ອ. ຕົວຢ່າງເຊັ່ນ ເຫັດສີຂາວອາດມີຮອຍເກັດສີນ້ຳຕານເຂັ້ມ ຫຼື ສີນ້ຳຕານ
4. ຊອກເຫັດທີ່ບໍ່ມີວົງແຫວນອ້ອມກ້ານ. ກວດເບິ່ງພາຍໃຕ້ດອກເຫັດເພື່ອຫາແຜ່ນວົງແຫວນ, ທີ່ມັນຈະຄ້າຍຄືກັບດອກເຫັດຂະໜາດນ້ອຍທີ່ຈະຢູ່ພາຍໃຕ້ດອກເຫັດ. ຖ້າເຫັດທີ່ທ່ານກໍາລັງສັງເກດມີວົງແຫວນແບບນີ້, ໃຫ້ໄປເອົາເຫັດຊະນິດອື່ນແທນ ເພາະເຫັດສ່ວນຫຼາຍທີ່ມີຄຸນສົມບັດເຫຼົ່ານີ້ແມ່ນມີທາດເບື່ອ.
5. ໃຊ້ສອງກະຕ່າເມື່ອທ່ານຈະເກັບເຫັດ. ວາງເຫັດທີ່ທ່ານໝັ້ນໃຈວ່າກິນໄດ້ລົງໃນກະຕ່າຫນຶ່ງ ແລະ ເຫັດທີ່ທ່ານບໍ່ແນ່ໃຈລົງ ອີກກະຕ່າໜຶ່ງ. ການຈັບເຫັດທີ່ມີທາດເບື່ອ ຈະບໍ່ສົ່ງຜົນຫຍັງຕໍ່ຮ່າງກາຍ. ປຶກສາຜູ້ຊ່ຽວຊານທີ່ມີຄວາມຮູ້ເພື່ອລະບຸເຫັດທີ່ທ່ານບໍ່ແນ່ໃຈ. ທ່ານສາມາດຕິດຕໍ່ກັບຜູ້ຊ່ຽວຊານດ້ານເຫັດໄດ້ໂດຍຜ່ານກຸ່ມເຫັດລາວິທະຍາທ້ອງຖິ່ນ ຫຼື ໃນມະຫາວິທະຍາໄລທ້ອງຖິ່ນ. ເຫັດສາມາດກິນໄດ້ຈະບໍ່ມີສະຖານທີທີ່ແນ່ນອນວ່າມັນຈະເກີດຂຶ້ນຢູ່ບ່ອນໃດແດ່. ແຕ່ສາມາດພົບເຫັນຢູ່ໃນຕົ້ນໄມ້, ທ່ອນໄມ້, ພື້ນປ່າ, ຫຼື ຕາມໄຄ ຊຶ່ງວ່າເຮົາບໍ່ຈໍາເປັນຕ້ອງໃສ່ຖົງມືໃນເວລາທີ່ເກັບ.
6. ຢ່າກິນເຫັດຖ້າທ່ານບໍ່ແນ່ໃຈ 100% ວ່າມັນແມ່ນເຫັດຫຍັງ. ໃຊ້ຄວາມລະມັດລະວັງທີ່ສຸດໃນເວລາທີ່ກຳລັງເກັບເຫັດ, ຍ້ອນວ່າຊະນິດທີ່ມີທາດເບື່ອ ແລະ ບໍ່ມີທາດເບື່ອມີລັກສະນະຄ້າຍຄືກັນ. ເຫັດບາງຊະນິດສາມາດປ່ຽນລັກສະນະຮູບຮ່າງຂຶ້ນຢູ່ກັບສະພາບການຈະເລີນເຕິບໂຕ ເຮັດໃຫ້ການຈຳແນກຊະນິດເປັນເລື່ອງທີ່ຍາກ ຕົວຢ່າງເຊັ່ນ ເຫັດຊະນິດທີ່ຄືກັນ ສາມາດພັດທະນາສີທີ່ແຕກຕ່າງກັນຕາມແສງແດດທີ່ໄດ້ຮັບ. ຜູ້ຊ່ຽວຊານແນະນໍາວ່າຢ່າກິນເຫັດຊະນິດທີ່ບໍ່ສາມາດລະບຸໄດ້ຢ່າງນ້ອຍ 3 ເທື່ອທີ່ຢູ່ໃນປ່າ ແລະ ຜູ້ຊ່ຽວຊານຄວນຢືນຢັນວ່າທ່ານໄດ້ລະບຸເຫັດຢ່າງຖືກຕ້ອງແລ້ວໃນທຸກຄັ້ງເປັນ 3 ເທື່ອ. .
