ງານວາງສະແດງຜົນງານຂອງອົງການຈັດຕັ້ງທາງສັງຄົມ ເປັນງານທີ່ເປີດໂອກາດໃຫ້ແກ່ທຸກຄົນໃນທຸກບົດບາດໜ້າທີ່ ທີ່ອາໄສຢູ່ໃນປະເທດລາວ ເຂົ້າມາຊື່ນຊົມຜົນງານຂອງອົງການຈັດຕັ້ງສັງຄົມ ເພື່ອສ້າງຄວາມເຊື່ອໝັ້ນ, ໄວ້ວາງໃຈ ແລະ ກົນລະຍຸດເພື່ອພັດທະນາປະເທດລາວ. ໂດຍສະເພາະແມ່ນ ການຍົກລະດັບອົງການຈັດຕັ້ງທາງສັງຄົມ ໃຫ້ມີການຮ່ວມມືກັບລັດຖະບານ ແລະ ບຸກຄົນທົ່ວໄປ ເພື່ອທີ່ຈະນຳໄປສູ່ການສະເໜີນະໂຍບາຍ ແລະ ພັດທະນາສະພາບແວດລ້ອມໃຫ້ມີຄວາມເອື້ອອຳນວຍຫຼາຍຂຶ້ນ ແລະ ເປັນການນຳໄປສູ່ຄວາມເຂົ້າໃຈ ບົດບາດໜ້າທີ່ ແລະ ເປົ້າໝາຍຂອງອົງການຈັດຕັ້ງທາງສັງຄົມ ໃນການພັດທະນາປະເທດລາວ
ງານ: ງານວາງສະແດງຜົນງານຂອງອົງການຈັດຕັ້ງເພື່ອສັງຄົມ
ວັນທີ: ວັນເສົາ 16/11/2019
ເວລາ: 08:00-17:00
ສະຖານທີ່: ເດີ່ນຈອດລົດຫໍວັດທະນະທຳແຫ່ງຊາດ, ນະຄອນຫຼວງວຽງຈັນ
ມາແລ້ວໆ ງານກິດຈະກຳດີໆ ເພື່ອສັງຄົມ ໃນ ວັນເສົາ ທີ 16/11/2019, ຈັດໂດຍອົງການຈັດຕັ້ງທາງສັງຄົມ ທີ່ຫໍວັດທະນະທຳແຫ່ງຊາດ
ພົບກັບທີມງານພາເຂົ້າລາວ ທີ່ຈະເຂົ້າຮ່ວມຈັດກິດຈະກຳ ແລະ ເຜີຍແພ່ຂໍ້ມູນກ່ຽວລະບົບເວັບໄຊນ໌ພາເຂົ້າລາວ
ພິເສດ:
ລຸ້ນຮັບຂອງລາງວັນງາມໆຈາກພາເຂົ້າລາວທີ່ງານ, ກະຕິກາງ່າຍໆຄື:
ເຂົ້າມາຖ່າຍຮູບກັບຂອບຮູບໜ້າຮັກໆຂອງພາເຂົ້າລາວ
ອັບໂຫລດລົງເຟສບຸກຂອງຕົນເອງ ພ້ອມ #phakhaolaoplatform ແລະ ແທັກໝູ່ 5 ຄົນ
ຮັບຍອດໄລ 100 ໄລນ໌ ພາຍໃນ 9 AM-3 PM, ຮັບໄປເລີຍຈອກງາມໆຈາກພາເຂົ້າລາວ (ຂອງລາງວັນມີຈຳນວນຈຳກັດ)
