ກ້ອຍໄຂ່ມົດສົ້ມ

ສ່ວນປະສົມ

• ໄຂ່ມົດສົ້ມ 2 ຖ້ວຍນ້ອຍ
• ໝາກນາວ 1 ໜ່ວຍ
• ນ້ຳປາ 1 ບ່ວງແກງ
• ໝາກເຜັດປົ່ນ 1 ບ່ວງແກງ
• ໝາກເຜັດດິບ 4 ໜ່ວຍ (ຊອຍ)
• ເຂົ້າຂົ້ວ 2-3 ບ່ວງແກງ
• ຫອມບົ່ວຊອຍ 1 ຖ້ວຍນ້ອຍ
• ຫອມເປຊອຍ 1 ຖ້ວຍນ້ອຍ
• ຫອມລາບ 1 ຖ້ວຍນ້ອຍ
• ຫົວຜັກບົ່ວຊອຍ 1 ຖ້ວຍນ້ອຍ

ວິທີປຸງແຕ່ງ

• ນຳໄຂ່ມົດ ໄປໜຶ້ງ ຫຼື ຕົ້ມ (ສາມາດນຳໄປຮັບປະທານໄດ້ ໂດຍບໍ່ຜ່ານການໜຶ້ງ ຫຼື ຕົ້ມ)
• ໃສ່ໄຂ່ມົດ, ໝາກເຜັດດິບ, ຫົວຜັກບົ່ວ, ຫອມບົ່ວໃບ, ຫອມເປ, ຫອມລາບລົງໃນຊາມ
• ປຸງລົດດ້ວຍນ້ຳປາ, ເຂົ້າຂົ້ວ, ໝາກນາວ ແລະໝາກເຜັດປົ່ນ
• ຄົນສ່ວນປະສົມທຸກຢ່າງໃຫ້ເຂົ້າກັນ, ຊິມ ແລະ ເພີ່ມລົດຊາດຕາມຕ້ອງການ

ເພື່ອຄວາມແຕກຕ່າງ

• ຈະໜຶ້ງ ຫຼື ລວກ ໄຂ່ມົດກ່ອນກໍ່ໄດ້ ຕາມຕ້ອງການ
• ປຸງລົດຊາດໃຫ້ເຜັດ ແລະ ສົ້ມໜ້ອຍໜຶ່ງ ຈະຊ່ວຍເພີ່ມລົດຊາດໃຫ້ແຊບຫຼາຍຂຶ້ນ