ຊຸບດອກໝາກຫຸ່ງ ແມ່ນອາຫານພື້ນບ້ານລາວທີ່ນິຍົມ ມີລົດຊາດຂົມອ່ອນໆ ປະສົມກັບຄວາມຫອມຂອງສະໝຸນໄພ ແລະ ຄວາມເຜັດຂອງໝາກເຜັດ. ນິຍົມຮັບປະທານຄູ່ກັບເຂົ້າໜຽວ.
ວັດຖຸດິບ
- ດອກໝາກຫຸ່ງ 200 ກຣາມ
- ໝາກເຜັດສົດ 5-10 ໜ່ວຍ
- ກະທຽມ 3-5 ກີບ
- ຫອມບົ່ວ 2-3 ຫົວ
- ປາແດກຕົ້ມ 2 ບ່ວງແກງ
- ນ້ຳປາ (ຕາມລົດຊາດ)
- ຜົງປຸງລົດ 1 ບ່ວງຊາ
- ຫອມປ້ອມ 2-3 ຕົ້ນ
- ໝາກງາຂາວຂົ່ວ 1-2 ບ່ວງແກງ
ວິທີເຮັດ
- ລ້າງດອກໝາກຫຸ່ງ ແລ້ວຕົ້ມໃນນ້ຳເດືອດ 5-10 ນາທີ ເພື່ອຫຼຸດຄວາມຂົມ.
- ຕັກຂຶ້ນ ແລ້ວແຊ່ນ້ຳເຢັນ ຈາກນັ້ນບີບນ້ຳອອກ.
- ເອົາໝາກເຜັດ, ກະທຽມ ແລະ ຫອມບົ່ວໄປຈີ່ໄຟຈົນສຸກ ແລ້ວນໍາມາຕໍາໃຫ້ລະອຽດ.
- ໃສ່ດອກໝາກຫຸ່ງລົງຕຳພໍແຕກ.
- ປຸງລົດດ້ວຍປາແດກ, ນ້ຳປາ, ຜົງປຸງລົດ ແລະ ໝາກງາຂາວຂົ່ວ.
- ໃສ່ຫອມປ້ອມທີ່ຊອຍເປັນຕ່ອນນ້ອຍ ຄົນໃຫ້ເຂົ້າກັນ ແລ້ວພ້ອມເສີບ.
ເຄັດລັບ
- ຖ້າດອກໝາກຫຸ່ງຂົມຫຼາຍ ສາມາດຕົ້ມ ແລະ ປ່ຽນນ້ຳ 2 ຄັ້ງ.
