ສ່ວນປະສົມ
- ເນື້ອປາ 1 ກິໂລ
- ນ້ຳຕານຊາຍ 2 ຂີດ (20% ຂອງນ້ຳໜັກປາ)
- ເກືອປົ່ນ 0,5 ບ່ວງແກງ (1,5% ຂອງນ້ຳໜັກປາ)
- ນ້ຳເກືອເຂັ້ມຂຸ້ນ 4% (ນ້ຳ 1 ລິດ ເກືອ 2 ບ່ວງແກງ) ສຳລັບລ້າງປາ ບໍ່ໃຫ້ຄາວ
ວິທີປຸງແຕ່ງ
- ເອົາປາມາລ້າງເມື້ອກອອກໃຫ້ມົດ ຕັດຫົວ, ຜ່າທ້ອງເອົາໄສ້ອອກ ລ້າງເລືອດອອກໃຫ້ໝົດ ແລ້ວແລ່ເນື້ອປາໃຫ້ເປັນຕ່ອນຕາມລວງຍາວຂອງໂຕປາ
- ເອົາປາທີ່ແລ່ຕາມລວງຍາວມາຕັດເຄິ່ງ ແລ້ວເອົາມີດຄົມໆ ມາແລ່ເນື້ອຕາມລວງຍາວ ໃຫ້ເປັນແຜ່ນບາງໆ
- ລ້າງເນື້ອປາດ້ວຍນ້ຳເກືອ ແລ້ວເອົາຂຶ້ນທັນທີເພື່ອໃຫ້ສະເດັດນ້ຳ
- ຊັ່ງສ່ວນປະສົມຕາມອັດາສ່ວນທີ່ກຳນົດ ແລ້ວປະສົມກັບເນື້ອປາຈົນເຂົ້າກັນດີ ໝັກປະໄວ້ 1 ຄືນ
- ເອົາປາທີ່ໝັກໄວ້ ໄປລຽນເທິງແຜງຕາກປາ ແລະ ນຳໄປຕາກແດດປະມານ 6 ຊົ່ວໂມງ ຫຼື ຈະເອົາໄປອົບດ້ວຍຄວາມຮ້ອນປະມານ 60 ອົງສາເຊ, 3-4 ຊົ່ວໂມງ
- ນຳປາ ມາຈືນໃຫ້ສຸກທົ່ວກັນດີ ໂດຍໃຊ້ໄຟລະດັບກາງ ຈຶ່ງຮັບປະທານ
ຂໍ້ມູນເພີ່ມເຕີມຈາກ ປຶ້ມເຕັກນິກການປຸງແຕ່ງອາຫານຈາກສັດນ້ຳ
