ໝາກໄມ້ປ່າພື້ນບ້ານຫຼາຍຊະນິດນອກຈາກເປັນອາຫານຈາກທຳມະຊາດແລ້ວ ຕາມພູມປັນຍາພື້ນບ້ານຍັງມີສັບພະຄຸນທາງຢາ
5 ໝາກໄມ້ປ່າ ກັບສັບພະຄຸນທາງຢາ
- ໝາກ (ຕົ້ນໝາກທີ່ໃຊ້ກິນຄູ່ກັບໃບພູ): ແກ່ນ ແລະ ເນື້ອໃນໝາກມີລົດຝາດຫຼາຍ ນິຍົມນຳມາໃຊ້ເປັນຢາຊ່ວຍຫ້າມບາດແຜ, ຮັກສາອາການຖອກທ້ອງ ແລະ ຊ່ວຍຂັບປັດສະວະ.
- ຕົ້ນເໜົ້າໂຄ້ນ: ເປັນໝາກໄມ້ປ່າທີ່ມີສານຕ້ານອະນຸມູນອິດສະຫຼະສູງ. ໝາກສຸກຊ່ວຍບຳລຸງເລືອດ ແລະ ອາດຊ່ວຍຊະລໍການເສື່ອມຂອງຮ່າງກາຍ. ສ່ວນໃບ ແລະ ຮາກ ສາມາດນຳມາຕົ້ມດື່ມ ເພື່ອຂັບປັດສະວະ.
- ເຄືອໝາກຢາງ: ຮາກ ແລະ ເຄືອນຳມາຕົ້ມເປັນນ້ຳດື່ມ ໃຊ້ໃນພູມປັນຍາພື້ນບ້ານເພື່ອຊ່ວຍບັນເທົາອາການເຈັບຄໍ ແລະ ບຳລຸງກຳລັງ. ສ່ວນໝາກສຸກມີລັກສະນະເປັນຢາລະບາຍອ່ອນໆ.
- ໝາກແຕ້ຮໍ້: ແກ່ນແກ່ ແລະ ເປືອກ ຖືກນຳໃຊ້ເປັນຢາພື້ນບ້ານ ໂດຍເຊື່ອວ່າຊ່ວຍຮັກສາອາການທາງຜິວໜັງ ແລະ ຊ່ວຍບັນເທົາອາການຮິດສີດວງທະວານ.
- ໝາກຄໍ້ສົ້ມ: ໝາກມີລົດສົ້ມ ແລະ ຕາມພູມປັນຍາພື້ນບ້ານນຳມາໃຊ້ເພື່ອຊ່ວຍບັນເທົາອາການຖອກທ້ອງ ແລະ ບັນເທົາອາການປວດປະຈຳເດືອນ. ສ່ວນເປືອກ ແລະ ໃບ ນຳມາໃຊ້ເພື່ອຊ່ວຍຮັກສາບາດແຜ.
