ໄພວັນ(ຕູ້ກູດ) ສີໄຊຍະວົງ

ຫຼັງຈາກເຮັດວຽກໃນທຸລະກິດກໍ່ສ້າງໂຄງສ້າງເຫຼັກມາເປັນເວລາຫຼາຍປີ, ທ່ານ ໄພວັນ ສີໄຊຍະວົງ (ຫຼື ທີ່ຫຼາຍຄົນຮູ້ຈັກໃນນາມ “ຕູ້ກູດ”) ໄດ້ຫັນມາປະກອບອາຊີບດ້ານກະສິກຳ ຫຼັງຈາກການລະບາດຂອງໂຄວິດ-19 ສົ່ງຜົນກະທົບຕໍ່ທຸລະກິດຂອງລາວ. ເຖິງແມ່ນວ່າຕູ້ກູດຈະບໍ່ເຄີຍມີປະສົບການດ້ານການປູກຝັງມາກ່ອນ, ແຕ່ລາວໄດ້ສຶກສາຮຽນຮູ້ການປູກໝາກພ້າວດ້ວຍຕົນເອງ ຜ່ານການຄົ້ນຄວ້າທາງອອນລາຍ ແລະ ການລົງມືປະຕິບັດຕົວຈິງ. ແນວໃດກໍຕາມ, ລາວກໍຍັງພົບກັບຄວາມທ້າທາຍໃນການຈຳໜ່າຍຜົນຜະລິດ. ເພື່ອເພີ່ມມູນຄ່າໃຫ້ແກ່ຜົນຜະລິດ ລາວຈຶ່ງເລີ່ມສຶກສາການແປຮູບໝາກພ້າວ ໂດຍເນັ້ນໄປທີ່ຂັ້ນຕອນໃນການເຮັດກະແລັມໝາກພ້າວ. ໃນຊ່ວງເວລາດຽວກັນ, ໂຄງການພັດທະນາແຫຼ່ງໜຶ່ງໄດ້ມາສົ່ງເສີມໃຫ້ຊາວກະສິກອນປູກໝາກໂກໂກ້ ພາຍໃຕ້ບົດບັນທຶກສັນຍາແບບຊື້-ຂາຍ ໂດຍຮັບປະກັນການຮັບຊື້ຜົນຜະລິດ. ແຕ່ເມື່ອໂຄງການບໍ່ສາມາດດຳເນີນຕໍ່ໄປໄດ້ ແລະ ຊາວກະສິກອນຫຼາຍຄົນກໍໄດ້ຖອນຕົ້ນກາໂກ້ອອກ, ແຕ່ຕູ້ກູດກັບເຫັນໂອກາດໃນສິ່ງທີ່ຄົນອື່ນເຫັນວ່າເປັນຄວາມລົ້ມເຫຼວ. ລາວໄດ້ຮັກສາຕົ້ນໂກໂກ້ໄວ້ ແລະ ທຸ່ມເທສຶກສາຮຽນຮູ້ວິທີການປູກ ແລະ ບຳລຸງຮັກສາຢ່າງຈິງຈັງ. ຕໍ່ມາ, ລາວ ແລະ ລູກຊາຍ ໄດ້ເດີນທາງໄປສຶກສາເຕັກນິກການປູກໂກໂກ້ ແລະ ການຜະລິດຊັອກໂກແລັດຈາກປະເທດເພື່ອນບ້ານ. ຫຼັງຈາກກັບມາ, ພວກເຂົາສາມາດຜະລິດຊັອກໂກແລັດທີ່ມີຄຸນນະພາບສູງໄດ້ສຳເລັດ ໂດຍໃຊ້ເມັດໂກໂກ້ຈາກສວນຂອງຕົນເອງ. ປັດຈຸບັນ, ຕູ້ກູດຍັງມີຕົ້ນໂກໂກ້ຫຼາຍກວ່າ 800 ຕົ້ນ ແລະ ມີແຜນຈະຮັບຊື້ແກ່ນໂກໂກ້ເພີ່ມຈາກຊາວກະສິກອນໃນພື້ນທີ່ໃກ້ຄຽງ ເພື່ອຊ່ວຍສົ່ງເສີມການຜະລິດໂກໂກ້ພາຍໃນຊຸມຊົນ. ເປົ້າໝາຍສູງສຸດຂອງລາວ ຄື ການພັດທະນາສວນຂອງຕົນໃຫ້ກາຍເປັນສູນການຮຽນຮູ້ ເພື່ອໃຫ້ເດັກນ້ອຍ, ເຍົາວະຊົນ […]

ຄຳພູ ພັນທະບູນ

ທ່ານ ຄຳພູ ພັນທະບູນ ໄດ້ເລີ່ມຕົ້ນເສັ້ນທາງການເຮັດກະສິກຳອິນຊີໂດຍບໍ່ໄດ້ມີການຝຶກອົບຮົມມາກ່ອນ. ເຊັ່ນດຽວກັບຊາວກະສິກອນຫຼາຍຄົນ, ລາວອາໄສວິທີການເຮັດກະສິກຳແບບດັ້ງເດີມ ແລະ ຮຽນຮູ້ຈາກປະສົບການໂດຍກົງ. ໃນຊ່ວງປີ 2004–2005 ດ້ວຍການສະໜັບສະໜູນຈາກໂຄງການຂອງ Helvetas, ທ່ານ ຄຳພູ ໄດ້ເຮັດສວນກະສິກຳອິນຊີຢູ່ທີ່ບ້ານຂອງຕົນ. ດ້ວຍການລົງມືປະຕິບັດ ແລະ ຮຽນຮູ້ຢ່າງຕໍ່ເນື່ອງ ພ້ອມທັງໄດ້ພັດທະນາທັກສະດ້ານກະສິກຳອິນຊີ ແລະ ໄດ້ແບ່ງປັນຄວາມຮູ້ໃຫ້ແກ່ຊາວກະສິກອນຄົນອື່ນ. ດ້ວຍຄວາມມຸ່ງໝັ້ນ ແລະ ຄວາມມີນໍ້າໃຈໃນການຊ່ວຍເຫຼືອຜູ້ອື່ນ ເຮັດໃຫ້ລາວໄດ້ຮັບຄວາມໄວ້ວາງໃຈ ແລະ ຄວາມເຄົາລົບຈາກຊຸມຊົນ ຈົນກາຍເປັນຜູ້ນຳດ້ານກະສິກຳອິນຊີໃນທ້ອງຖິ່ນ. ໃນປີ 2006 ໂຄງການຍັງໄດ້ສະໜັບສະໜູນການສ້າງຕັ້ງ ກຸ່ມຜະລິດກະສິກຳອິນຊີໂນນແຕ້, ເຊິ່ງເລີ່ມຕົ້ນຈາກພຽງ 7 ຄອບຄົວເທົ່ານັ້ນ. ເມື່ອຄວາມຕ້ອງການຜະລິດຕະພັນອິນຊີເພີ່ມຂຶ້ນ ຈຶ່ງມີຊາວກະສິກອນສົນໃຈເຂົ້າຮ່ວມກຸ່ມຫຼາຍຂຶ້ນ. ເພື່ອຮັກສາຄຸນນະພາບຂອງສິນຄ້າກະສິກຳອິນຊີ, ພະແນກກະສິກຳຈຶ່ງໄດ້ດຳເນີນການກວດສອບແບບສຸ່ມທຸກໆ 2 ເດືອນ. ເຖິງແມ່ນວ່າໂຄງການ Helvetas ໄດ້ສິ້ນສຸດລົງໃນປີ 2021, ແຕ່ກຸ່ມຜະລິດກະສິກຳອິນຊີໂນນແຕ້ຍັງຄົງດຳເນີນການຕໍ່ໄປ ແລະ ເຕີບໂຕໄດ້ດ້ວຍຕົນເອງ. ເສັ້ນທາງຂອງທ່ານ ຄຳພູ ສະແດງໃຫ້ເຫັນວ່າ ການຮຽນຮູ້ຢ່າງຕໍ່ເນື່ອງ, ການເປັນຜູ້ນຳທີ່ເຂັ້ມແຂງ ແລະ ການຮ່ວມມືຂອງຄົນໃນຊຸມຊົນ […]

ບຸນປະສັກໄຊ ຄຳພູມີ (ກົບ)

ບຸນປະສັກໄຊ ຄຳພູມີ ເປັນນັກຄົ້ນຄວ້າດ້ານປ່າໄມ້ຂອງລາວ ແລະ ຜູ້ຊ່ຽວຊານດ້ານວິທະຍາການປ່າໄມ້ ທີ່ມີປະສົບການຫຼາຍກວ່າ 20 ປີ ໃນດ້ານການຈັດການປ່າໄມ້ຢ່າງຍືນຍົງ, ການຟື້ນຟູປ່າ ແລະ ການອະນຸລັກຄວາມຫຼາກຫຼາຍທາງຊີວະນາໆພັນ. ຜ່ານມາ ລາວເຄີຍເຮັດວຽກຢູ່ສູນຄົ້ນຄວ້າປ່າໄມ້ ຂອງສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ (NAFRI) ແລະ ປັດຈຸບັນດຳລົງຕຳແໜ່ງເປັນວິຊາການຢູ່ພະແນກຄຸ້ມຄອງປ່າສະຫງວນ ຂອງກົມປ່າໄມ້, ສປປ ລາວ. ຕະຫຼອດໄລຍະການເຮັດວຽກ, ລາວໄດ້ມີສ່ວນສຳຄັນໃນການຄົ້ນຄວ້າດ້ານປ່າໄມ້, ການພັດທະນານະໂຍບາຍ ແລະ ການນຳໃຊ້ວິທີການທີ່ເໝາະສົມໃນການອະນຸລັກຊັບພະຍາກອນປ່າໄມ້ຂອງປະເທດ. ໜຶ່ງໃນວຽກງານຫຼັກຂອງລາວ ແມ່ນການປັບປຸງການຈັດຫາແຫຼ່ງແນວພັນທີ່ມີຄຸນນະພາບສຳລັບການຟື້ນຟູປ່າ. ມີສ່ວນຮ່ວມໃນການສຳຫຼວດ ແລະ ກຳນົດພື້ນທີ່ແຫຼ່ງແນວພັນໄມ້ 76 ແຫ່ງ ສຳລັບຕົ້ນໄມ້ຊະນິດພື້ນເມືອງ 29 ຊະນິດ ຄອບຄຸມທັງ 18 ແຂວງຂອງ ສປປ ລາວ. ຜົນງານດັ່ງກ່າວໄດ້ຊ່ວຍເສີມສ້າງ ສວນກ້າໄມ້ ແລະ ສະໜັບສະໜູນວຽກງານຟື້ນຟູປ່າໃນລະດັບຊາດ. ທັງນັ້ນ ບຸນປະສັກໄຊ ໄດ້ສຳເລັດການສຶກສາລະດັບປະລິນຍາໂທ ສາຂາວິຊາວິທະຍາການປ່າໄມ້ (ການຈັດການປ່າໄມ້ເຂດຮ້ອນ) ຈາກມະຫາວິທະຍາໄລ Nanjing Forestry […]

ກົດໝາຍວ່າດ້ວຍສັດນ້ຳ ແລະ ການປະມົງ

ກົດໝາຍ ສະບັບນີ້ ກຳນົດຫຼັກການ, ລະບຽບການ ແລະ ມາດຕະການກ່ຽວກັບ ການຄຸ້ມຄອງ ແລະ ຕິດຕາມກວດກາ ວຽກງານສັດນໍ້າ ແລະ ການປະມົງ ເພື່ອເຮັດໃຫ້ວຽກງານດັ່ງກ່າວ ມີປະສິດທິພາບ ແລະ ປະສິດທິຜົນ ແນໃສ່ຮັບປະກັນການຄຸ້ມຄອງ, ການປົກປັກຮັກສາ, ການພັດທະນາ ແລະ ການນໍາໃຊ້ສັດນໍ້າ, ການປະມົງໃຫ້ມີຄຸນນະພາບ, ປອດໄພ, ຮັບປະກັນຄວາມໝັ້ນຄົງທາງດ້ານສະບຽງອາຫານ ແລະ ຜະລິດເປັນສິນຄ້າ ຕາມທິດສີຂຽວ ແລະ ຍືນຍົງ,ສາມາດເຊື່ອມໂຍງກັບພາກພື້ນ ແລະ ສາກົນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງຊາດ.

ກົດໝາຍ ວ່າດ້ວຍສັດປ່າ (ສະບັບປັບປຸ່ງ)

ກົດໝາຍສະບັບນີ້ ກໍານົດ ຫຼັກການ, ລະບຽບການ ແລະ ມາດຕະການ ກ່ຽວກັບການ ຄຸ້ມຄອງ ແລະ ຕິດຕາມກວດກາ ວຽກງານສັດປ່າ ເພື່ອເຮັດໃຫ້ວຽກງານດັັ່ງກ່າວມີປະສິດທິພາບ, ປະສິດທິຜົນ ແນໃສ່ບໍໍ່ໃຫ້ມີຜົນກະທົບຕໍໍ່ ທໍາມະຊາດ, ຖິ່ນທີ່ຢູ່ອາໄສ, ຈໍາກັດການຫຼຼຸດລົງ ແລະ ການສູນພັນ ຂອງສັດປ່າ ພ້ອມທັງປຸກລະດົມທົ່ວປວງຊົນ ໃຫ້ເຫັນໄດ້ຄວາມສໍາຄັນ, ເຊີດຊູສະຕິຮັກ, ຫວງແຫນ, ຖະໜອມ ແລະ ເປັນເຈົ້າການເຂົ້າຮ່ວມໃນການຄຸ້ມຄອງ, ປົກປັກຮັກສາ, ພັດທະນາ ແລະ ນໍາໃຊ້ສັດປ່າ ແບບຍືນຍົງ, ປົກປັກຮັກສາສິ່ງແວດລ້ອມຕາມທິດສີຂຽວ ແລະ ຍືນຍົງ ຮັບປະກັນສິດ ແລະ ຜົນປະໂຫຍດຂອງຊາດ ແລະ ປະຊາຊົນ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂື້ນ ສາມາດເຊື່ອມໂຍງກັບພາກພື້ນ ແລະ ສາກົນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງຊາດ.

ການຂະຫຍາຍ ເຕັກນິກ ການຈັດການຄຸ້ມຄອງ ທີ່ດິນແບບຍືນຍົງໂດຍຊາວກະສິກອນ ຂະໜາດນ້ອຍ

ສະພາບການຜະລິດກະສິກໃນສປປລາວ ໂດຍສະເພາະໃນເຂດພູດອຍ ແມ່ນໄດ້ມີການປ່ຽນແປງຈາກຮູບແບບການຜະລິດແບບ ກຸ້ມກິນ ໄປສູ່ການຜະລິດເປັນສິນຄ້າ ໂດຍນ ຳໃຊ້ປັດໃຈການຜະລິດເປັນຈ ຳນວນຫຼວງຫຼາຍ ເພື່ອເຮັດໃຫ້ໄດ້ຮັບຜົນຫຼາຍທີ່ສຸດໃນ ໄລຍະເວລາສັ້ນໆ ຊຶ່ງມັນໄດ້ສົ່ງຜົນກະທົບຕໍ່ຊັບພະຍາກອນທ ຳມະຊາດ. ການຈັດຕັ້ງປະຕິບັດກິດຈະກ ຳການຜະລິດເຫຼົ່ານັ້ນ ເປັນ ການຜະລິດກະສິກ ຳແບບບໍ່ຍືນຍົງທີ່ເປັນສາເຫດເຮັດໃຫ້ຊັບພະຍາກອນດິນເຊື່ອມໂຊມ. ນອກຈາກນັ້ນກໍ່ຍັງມີສິ່ງທ້າທາຍທີ່ເກີດ ຈາກການປ່ຽນແປງສະພາບດິນຟ້າອາກາດ. ຜ່ານມາມີຫຼາຍໆເຕັກນິກການຈັດການຄຸ້ມຄອງທີ່ດິນແບບຍືນຍົງ ທີ່ໄດ້ຈັດຕັ້ງປະຕິບັດ ໂດຍຊາວກະສິກອນຂະໜາດນ້ອຍມາເປັນເວລາດົນນານຊຶ່ງເຫັນໄດ້ວ່າ ມີບາງບົດຮຽນເຕັກນິກ ແມ່ນໄດ້ຮັບການສ້າງເປັນເອກກະ ສານຂອງແຕ່ລະອົງການ ຫຼື ຫ້ອງການຕ່າງໆ. ເຖິງຢ່າງໃດກໍ່ຕາມ, ເອກະສານບົດຮຽນດັ່ງກ່າວແມ່ນຍັງຈຳກັດ ແລະ ເນື້ອໃນຂອງ ເອກະສານສ່ວນໃຫຍ່ ຈະມີຮູບແບບມາດຕະຖານທີ່ແຕກຕ່າງກັນຂອງແຕ່ລະອົງການ.

ຄວາມຮູ້ພື້ນຖານກ່ຽວກັບຂີ້ກະເດືອນ

ຂີ້ກະເດືອນທີ່ນິຍົມລ້ຽງ

ຄຸນປະໂຫຍດຂີ້ກະເດືອນ ແລະ ຝຸ່ນຂີ້ກະເດືອນ

ຂີ້ກະເດືອນຊ່ວຍໃນການເພີ່ມຊອງວ່າງອາກາດໃນ ດິນເຮັດໃຫ້ດິນບໍ່ແຈບ ແລະ ສາມາດເກັບຄວາມ ຊຸມໄດ້ດີພ້ອມທັງເຮັດໃຫ້ຮາກພືດຂະຫຍາຍໂຕ ແລະ ກິນອາຫານໄດ້ດີຂຶ້ນ

ຄູ່ມືການວາງແຜນຄຸ້ມຄອງທີ່ດິນກະສິກຳແບບມີສ່ວນຮ່ວມຂັັ້ນບ້ານ

ປື້ມຄູ່ມືສະບັບນີ້ມີຈຸດປະສົງເພື່ອນຳາໃຊ້ເປັນເຄື່ອງມື ແລະ ບ່ອນອິງ ໃນການຈັດຕັ້ງປະຕິບັດ ວຽກງານການຄຸ້ມຄອງທີ່ດິນກະສິກຳແບບມີສ່ວນຮ່ວມ (PALM), ເຊິ່ງມັນເປັນວຽກໜຶ່ງ ຂອງຂະແໜງການກະສິກຳໃນວຽກງານການວາງແຜນການນໍາໃຊ້ທີ່ດິນຂັ້ນບ້ານເວົ້າລວມເວົ້າສະເພາະ. ຕາມພາລະບົດບາດ ແລະ ໜ້າທີ່ຂອງກົມຄຸ້ມຄອງ ແລະ ພັດທະນາທີ່ດິນກະສິກຳ, ກະຊວງກະສິກຳ ແລະ ປ່າໄມ້. ບັນດາຂະບວນການ ແລະ ຂັ້ນຕອນຕ່າງໆທີ່ໄດ້ກຳນົດໄວ້ໃນປື້ມຄູ່ມືເຫຼັ້ມນີ້ ຈະໄດ້ຖືກນໍາໄປເຜີຍແຜ່ ແລະ ນໍາໃຊ້ ໃນການວາງແຜນ ແລະ ຄຸ້ມຄອງທີ່ດິນກະສິກຳຈຳນວນ 4.5 ລ້ານເຮັກຕາ ໃນຂອບເຂດທົ່ວປະເທດ ເພື່ອຈຸດປະສົງການນໍາໃຊ້ທີ່ດິນກະສິກຳໃຫ້ມີຄວາມຍືນຍົງ ແລະ ສ້າງຜົນປະໂຫຍດສູງສຸດ ໃຫ້ກັບຊາວກະສິກອນ ໂດຍອິງຕາມສະພາບຕົວຈິງຂອງແຕ່ລະທ້ອງຖິ່ນ, ຄວາມ ຈຳກັດທາງດ້ານທຶນຮອນ ແລະ ຊັບພະຍາກອນມະນຸດ ຢູ່ພາຍໃນບ້ານ.

ການອະນຸບານລູກປາ

ການອະນຸບານປາໂດຍທົ່ວໄປແລ້ວຈະແບ່ງເປັນສອງຂັ້ນຕ ອອນ ໃຫ່ຍຄື: ການອະນຸບານປາທີ່ແຕກ ໃໝ່ໄປຈົນຮອດອາຍຸໄດ້ 7-10 ວັນ ແລະ ການອະບານນັບແຕ່ອາຍຸ 10 ມື້ – 21 ມື້ ຫຼື 1 ເດືອນ