ແຈ່ວໜໍ່ຂ່າເປັນແຈ່ວລົດຊາດເຜັດຫອມ ມີກິ່ນຂ່າເປັນເອກະລັກ ກິນກັບເຂົ້າໜຽວ, ຜັກລວກ ຫຼື ຜັກສົດກໍແຊບ.
ສ່ວນປະກອບ
- ໜໍ່ຂ່າ 10-15 ຍອດ
- ໝາກເຜັດດິບ 3-5 ໜ່ວຍ (ປັບຕາມຄວາມເຜັດ)
- ຫອວບົ່ວ 2-3 ຫົວ
- ເກືອ 1/2 ບ່ວງກາເຟ
- ຜົງປຸງລົດ 1/2 ບ່ວງກາເຟ
ວິທີປຸງແຕ່ງ
- ນໍາເອົາໜໍ່ຂ່າ, ຫອມບົ່ວ ແລະ ໝາກເຜັດດິບໄປປີ້ງ (ຈີ່) ໃຫ້ສຸກ
- ນຳຂ່າມາເອົາເປືອກອອກແລ້ວນໍາໄປຊອຍເປັນຕ່ອນບາງໆ ເພື່ອໃຫ້ຕໍາງ່າຍ.
- ນຳຂ່າທີ່ປີ້ງແລ້ວມາຕຳໃຫ້ລະອຽດ ຈາກນັ້ນໃສ່ໝາກເຜັດດ ຫອມບົ່ວຕຳໃຫ້ເຂົ້າກັນ.
- ໃສ່ເກືອ ແລະ ຜົງປຸງລົດລົງໄປ. ຖ້າແຈ່ວແຫ້ງເກີນໄປ ໃຫ້ຕື່ມນ້ຳຕົ້ມສຸກເລັກນ້ອຍ ແລ້ວຕຳໃຫ້ເຂົ້າກັນ. ສຸດທ້າຍໃສ່ຜັກຫອມປ້ອມ ຫຼື ຜັກບົ່ວຊອຍ.
