ອາການກ່ຽວກັບກະເພາະລຳໄສ້ເຊື່ອວ່າຫຼາຍຄົນອາດຈະພົບ ແລະ ຮັບຮູ້ບັນຫານີ້, ເຊິ່ງເກີດມາຈາກຫຼາຍສາເຫດ ເຊັ່ນ: ການກິນອາຫານທີ່ບໍ່ຖືກເວລາ, ກິນອາຫານທີ່ມີລົດຊາດຈັດເກີນໄປ, ລວມໄປເຖິງການດື່ມແອວກໍຮໍ ເປັນຕົ້ນ. ສະນັ້ນມື້ນີ້ພວກເຮົາຈຶ່ງນຳເອົາວິທີຮັກສາອາການເຈັບກະເພາະອັກເສບດວຍພືດສະໝຸນໄພພື້ນບ້ານມາຝາກກັນ.
ເປັນໝາກໄມ້ທີ່ສາມາດຮັກສາພະຍາດພະຍາດກະເພາະໄດ້ ພຽງແຕ່ນຳເອົາກ້ວຍນໍ້າທີ່ຍັງດິບມາຝານ ແລ້ວນຳໄປຕາກແດດໃຫ້ແຫ້ງ, ຈາກນັ້ນນຳມາບົດໃຫ້ລະອຽດ ແລ້ວນຳມາປະສົມກັບນ້ຳ ແລະ ນ້ຳເຜິ້ງດື່ມ ຫຼື ຈະນຳກ້ວຍທີ່ບົດມາປະສົມກັບອາຫານກໍໄດ້, ໂດຍຮັບປະທານກ່ອນກິນເຂົ້າ ແລະ ກ່ອນນອນ, ຈະສາມາດປ້ອງກັນ ແລະ ຮັກສາບາດແຜທີ່ເກີດໃນກະເພາະອາຫານໄດ້ເປັນຢ່າງດີ. ເພາະກ້ວຍນ້ຳດິບຈະມີສານທີ່ສາມາດກະຕຸ້ນຈຸລັງໃນກະເພາະໃຫ້ປ່ອຍສານ ລິວຊິນ ອອກມາເພື່ອເຮັດໜ້າທີ່ເຄືອບກະເພາະອາຫານໄວ້ນັນເອງ.
ໃນສະໝຸນໄພຂີ້ໝີ້ນຈະມີສານ ເຄີຄິວມີນອຍ ທີ່ເປັນຕົວປ້ອງກັນການເກີດບາດແຜໃນກະເພາະອາຫານ ແລະ ຊ່ວຍຫຼຸດຜ່ອນການອັກເສບ, ທັງເປັນຕົວຊ່ວຍກະຕຸ້ຍການຂັບຖ່າຍນ້ຳໄດ້ດີ ແລະ ເຮັດໃຫ້ລະບົບການຍ່ອຍອາຫານດີຂຶ້ນ, ນອກຈາກນີ້ສານດັ່ງກ່າວຍັງຊ່ວຍກະຕຸນໃຫ້ຮ່າງກາຍປ່ອຍສານເຄືອບກະເພາະອາຫານຈຶ່ງສາມາດຮັກສາບາດແຜໄດ້ດີໃນກະເພາະອາຫານ. ວິທີນຳໃຊ້ແມ່ນພຽງນຳເອົາຫົວຂີ້ໝີ້ນມາລ້າງໃຫ້ສະອາດໂດຍບໍຕ້ອງເອົາເປືອກອອກ ແລ້ວນຳມາຊອຍເປັນຕ່ອນບາງໆ, ຫຼັງຈາກນັ້ນນຳໄປຕາກແດດ 1-2 ວັນ ແລ້ວນຳມາບົດໃຫ້ລະອຽດ ແລະ ນຳມາປະສົມກັບນ້ຳເຜິ້ງໃຫ້ເປັນກ້ອນແລ້ວຮັບປະທານຫຼັງທານອາຫານ ແລະ ກ່ອນນອນ.
ເປັນສະໝຸນໄພອີກຊະນິດໜຶ່ງທີ່ມີສັບພະຄຸນໃນການຮັກສາພະຍາດກະເພາະອາຫານ, ຊ່ວຍໃນການຮັກສາບາດແຜ ແລະ ລ້າງພິດໃນກະເພາະອາຫານ. ວິທີນຳໃຊ້ແມ່ນພຽງແຕ່ນຳໃບທີ່ຍັງສົດໃໝ່ແລ້ວລ້າງນ້ຳໃຫ້ສະອາດ, ຫຼັງຈາກນັ້ນປອກເປືອກອອກແລ້ວນຳມາລ້າງດ້ວຍນ້ຳສະອາດອີກຄັ້ງ ຈາກນັ້ນຊອຍເປັນຕ່ອນນປະມານ 3 ນິ້ວ ນຳມາກິນກ່ອນອາຫານເຊົ້າ ແລະ ອາຫານແລງ.
ມີສັບພະຄຸນໃນການຮັກສາພະຍາດໂລກກະເພາະອາຫານເຊັ່ນກັນ ເນື່ອງຈາກໃນໝາກກະຈຽບມີສານ ແພັດຕິນ ທີ່ມີຄຸນສົມບັດໃນການຊ່ວຍເຄືອບບາດແຜໃນລຳໄສ້ ແລະ ກະເພາະອາຫານ. ວິທີນຳໃຊ້ແມ່ນພຽງນຳໝາກກະຈຽບມາລວກເພື່ອຮັບປະທານເປັນປະຈຳຕໍ່ເນື່ອງກັນຢ່າງໜ້ອຍ 15 ວັນ ບາດແຜໃນກະເພາະຈະຄ່ອຍດີຂຶ້ນ.
ເປັນສະໝຸນໄພຊະນິດໜຶ່ງທີ່ເຕັມໄປດ້ວຍສັບພະຄຸນ ເປັນຕົ້ນແມ່ລູກອ່ອນຮັບປະທານຈະຊ່ວຍກະຕຸ້ນນ້ຳນົມໄດ້ດີ, ນອກນັ້ນຍັງມີຄຸນສົມບັດໃນການຮັກສາພະຍາດໂລກກະເພາະອາຫານ ໂດຍສະເພາະສາເຫດເກີດຈາກການດື່ມແອວກໍຮໍ. ວິທີໃຊ້ແມ່ນນຳຫົວປີມາເຜົາແລ້ວບີບເອົານ້ຳເພື່ອນຳມາມາດື່ມເຄິ່ງຈອກ/ມື້ ຢ່າງຕໍ່ເນື່ອງ 3 ວັນອາການກໍຈະດີຂຶ້ນ.
