ປ່ຽງເຕີຍ

ການກະກຽມ

•  ນໍາເອົາຫມາກເຕີຍ (ເມັດຖົ່ວເຫຼືອງ)ທີ່ແກ່ນຕື່ງ ແລະງາມດີ ມາຕົ້ມໃຫ້ສຸກ 1-2 ນໍ້າ
•  ໃຫ້ນຳເຕີຍຕົ້ມສຸກ ມາອົບໃສ່ຖັງໄມ້ທີ່ກຽມໄວ້ ແລ້ວນຳໃບຕອງມາໂອບອ້ອມ ເພື່ອອົບໄວ້ 3-4 ມື້ 
•   ຫຼັງຈາກທີ່ອົບໄວ້ຄົບ 3 ມື້ ຄວນໄຂສັງເກດເບິ່ງ, ຖ້າຫາກໝາກເຕີຍ ຫຼື ຖົ່ວເຫຼືອງປ່ຽນເປັນສີໂຫມກໆ ນັ້ນສະແດງວ່າ ສາມາດນຳມາເຮັດປ່ຽງເຕີຍໄດ້.

holly (Flickr)

ສ່ວນປະສົມ

• ໝາກເຕີຍ (ຖົ່ວເຫຼືອງ) 1 ຖວ້ຍແກງ
• ເກືອ 1​ບ່ວງແກງ
• ຫົວສີໄຄ 3 ຫົວ ຊອຍມຸນ
• ໝາກເຜັດແຫ້ງ ຫຼື ໝາກເຜັດໃຫ່ຍຊຳເໜືອ 3-4 ໜ່ວຍ

ວິທີປຸງແຕ່ງ 
  –  ຕຳຫມາກເຕີຍ ໃສ່ເກືອ, ຫົວສີໄຄ, ຫມາກເຜັດແຫ້ງ ຫຼືຫມາກເຜັດໃຫຍ່ຊໍາເຫນືອ ໃຫ່ມຸ່ນ. 
  –  ກຽມໄມ້ເພື່ອເຮັດເປັນວົງກົມໄວ້
  –  ຈາກນັ້ນເອົາຫມາກເຕີຍທີ່ຕໍາມາວາງໃສ່ວົງໄມ້ ໃຊ້ບ່ວງຮີດເພື່ອແປຮູບຮ່າງໃຫ້ເປັນປ່ຽງ.
  –  ສານກະແຕະ ເອົາປ່ຽງເຕີຍມາຕາກແດດໃຫ້ແຫ້ງ ຈົນກ່ວາສີຂອງເຕີຍຈະເປັນສີແດງ.
ສູດເຮັດປ່ຽງເຜີຍສໍາເລັດແລ້ວ.

ຂໍ້ມູນເພີ່ມເຕີມຈາກ ປຶ້ມອາຫານ ບ້ານເຮົາ