March 13, 2024
ສ່ວນປະສົມ
• ໝາກຫຸ່ງເຄິ່ງໜ່ວຍ
• ກະທຽມ 2 ກີບໃຫ່ຍ
• ໝາກເຜັດດິບ 3 ໜ່ວຍ (ສາມາດເພີ່ມປະລິມານໝາກເຜັດໄດ້ຕາມຕ້ອງການ)
• ເກືອ 1 ບ່ວງຊາ
• ນ້ຳຕານ 1 ບ່ວງເຄິ່ງ(1 ½), (ບ່ວງແກງ)
• ນ້ຳປູ ຫຼື ກະປິ ½ ບ່ວງຊາ
• ໝາກເຂືອ 1 ໜວຍ ຜ່າເປັນ 8 ປ່ຽງ
• ໝາກເລັ່ນ ເຄິ່ງໜ່ວຍ ຜ່າເປັນ 4 ປ່ຽງ
• ປາແດກ ¼ ຈອກກາເຟ (1ບ່ວງຊາ – 3 ບ່ວງແກງນ້ຳປາ)
• ໝາກນາວ 2 ໜ່ວຍໃຫ່ຍ ຫຼື 3 ໜ່ວຍນ້ອຍ
ວິທີການ
1. ປອກເປືອກໝາກຫຸ່ງອອກໃຫ້ໝົດ ແລ້ວໃຊ້ມີດຂູດ ຂູດໝາກຫຸ່ງຂະໜານຕາມລວງຕັ້ງ ວິີທີນີ້ເປັນວິທີທີ່ງ່າຍທີ່ສຸດ
2. ໃສ່ເກືອ, ນ້ຳຕານ, ນ້ຳປູ, ກະທຽມ, ຫຼື ໝາກເຂືອ ລົງຄົກ ຕຳໃຫ້ເຂົ້າກັນປະມານ 1-2 ນາທີ. ໃສ່ໝາກນາວ ແລະ ປາດກ (ນ້ຳປາ) ຕາມດ້ວຍໝາກຫຸ່ງ ແລະ ໝາກເລັ່ນ ແລ້ວຕຳອີກເທື່ອໜຶ່ງ ໂດຍໃຊ້ບ່ວງເປັນອຸປະກອນເສີມ ໃນການຄົນ
3. ຊິມລົດຊາດ ຕື່ມສ່ວນປະສົມເພີ່ມເຕີມໄດ້ຕາມຕ້ອງການ ເຊັ່ນ ນ້ຳຕານ, ປາແດກ ຫຼື ໝາກນາວ
4. ຮັບປະທານກັບເຂົ້າໜຽວ, ຂຽບມັນ ຜັກກະລຳ ຫຼື ສະລັດ
ຄຳແນະນຳ
• ສູດນີ້ເປັນສູດພື້ນຖານຂອງການຕຳໝາກຫຸ່ງ, ສາມາດໃສ່ຫົວກະຣົດ, ໝາກຫຸ່ງ ແລະ ໝາກແຕງໄດ້
• ໃສ່ກຸ້ງແຫ້ງກັບໝາກເເຜັດ ແທນນ້ຳປູ
• ໃສ່ໝາກຂາມ ແລະ ໝາກາເຜັດ ເປັນສ່ວນປະສົມເພີ່ມເຕີມ
ຂໍ້ມູນຈາກອາຫານຈາກພາກເໜືອລາວ (ປຶ້ມສູດອາຫານຂອງເຮືອນພັກທ່າາເຮືອ)
ວີດີໂອຈາກ Luk Lao USA
