ສ່ວນປະສົມ
• ປາດຸກ 500 g (ສາມາດໃຊ້ປາຊະນິດອື່ນໄດ້ຕາມຕ້ອງການ)
• ຫົວສີໄຄ 2 ຫົວ
• ໝາກເຜັດ 1 ໜ່ວຍ
• ຜັກທຽມ 1 ກີບ ຫຼື ປ່ຽງ
• ເກືອ 1 ບ່ວງຊາ
• ຄະນໍ 1/2 ບ່ວງຊາ
• ຜັກອີ່ຕູ່ຊອຍ (ໃບ) 2 ບ່ວງແກງ
• ເຂົ້າເບືອ 1 ບ່ວງແກງ
• ໃບກ້ວຍຕັດເປັນຮູບສີ່ຫຼ່ຽມ 4-8 ໃບ ຂະໜາດ 25 X 30 ຊມ (ນຳໄປຕົ້ມນໍ້າ)
• ສຳລັບ 2-4 ຫໍ່
ວິທີປຸງແຕ່ງ
1. ຕັດປາເປັນຕ່ອນ 2 x 4 cm
2. ຊອຍຫົວສີໄຄ, ໝາກເຜັດ, ຜັກທຽມໃສ່ຄົກພ້ອມເກືອ ແລະ ຄະນໍ
3. ຕຳເຄື່ອງປະສົມທຸກຢ່າງທີ່ໃສ່ລົງໃນຄົກ ໃຫ້ມຸ່ນລະອຽດ
4. ສາມາດເພີ່ມຜັກຊີໃສ່ໄດ້, ຫຼັງຈາກນັ້ນກໍນຳເຄື່ອງປະສົມອອກຈາກຄົກ ເພື່ອປະສົມກັບຕ່ອນປາທີ່ຕັດໄວ້. ຕາມດ້ວຍເຂົ້າເບືອ ແລະ ນໍ້າປາ 1 ບ່ວງແກງ (ຖ້າຫາກໃຊ້ປາໃນປະລິມານທີ່ຫຼາຍ ກໍຕື່ມຜັກສີຂຽວ ເຄື່ອງປະສົມຕ່າງໆອີກ)
5. ຫໍ່ໝົກປາ (ສາມາດເບິ່ງວິທີການຫໍ່ ທີ່ປຶ້ມສູດອາຫານຂອງເຮືອນພັກທ່າເຮືອ ໜ້າທີ 66)
6. ກຽມໃບກ້ວຍ 2 ໃບ ວາງໄຂ່ວກັນເປັນຮູບໂຕ x ແລະ ພັບສອງສົ້ນເຂົ້າກັນແລ້ວມັດ
7. ໜຶ້ງ25-30 ນາທີ
8. ນຳອອກຈາກໝໍ້ ແກະໃບກ້ວຍອອກ ແລ້ວວາງໃສ່ຈານພ້ອມຮັບປະທານ
ຄຳແນະນຳ
• ຂະໜາດຂອງໝົກສາມາດເຮັດໄດ້ຕາມຕ້ອງການ ແລະ ສາມາດໃຊ້ເປັນມົກຊີ້ນໝູ, ໄກ່ ຫຼື ເປັດໄດ້
• ສູດນີ້ໃຊ້ຫົວຜັກບົ່ວ ແທນຜັກຊີ
• ໃບກ້ວຍອາດຈະໜຶ້ງ ຫຼື ປີ້ງ
ຂໍ້ມູນຈາກ: Food from Northern Laos (The Boat Landing Cookbook
