ຜັກກະເສດເປັນແຫຼ່ງຂອງວິຕາມິນ ແລະ ແຮ່ທາດຫຼາຍຊະນິດ ເຊັ່ນ:
- ວິຕາມິນ A ຊ່ວຍບຳລຸງສາຍຕາ
- ແຄລຊຽມ ແລະ ທາດເຫຼັກ ຊ່ວຍບຳລຸງກະດູກ ແລະ ເລືອດ
- ຜັກກະເສດມີ ເສັ້ນໃຍອາຫານ ຊ່ວຍໃຫ້ລຳໄສ້ເຮັດວຽກດີ, ຊ່ວຍປ້ອງກັນທ້ອງຜູກ ແລະ ຊ່ວຍຂັບລົມໃນກະເພາະອາຫານ
ວັດຖຸດິບ
- ຜັກກະເສດ 300 ກຣາມ
- ກະທຽມ 4–5 ກີບ
- ນ້ຳມັນພືດ 2 ບ່ວງແກງ
- ນ້ຳມັນຫອຍ 1 ບ່ວງແກງ
- ແປ້ງນົວ 1 ບ່ວງຊາ
- ນ້ຳຕານ 1/2 ບ່ວງຊາ (ບໍ່ໃສ່ກໍໄດ້)
- ພິກໄທປົ່ນ ເລັກນ້ອຍ
- ໝາກເຜັດສົດ (ຕາມຄວາມມັກ)
ວິທີປຸງແຕ່ງ
- ລ້າງຜັກກະເສດໃຫ້ສະອາດ ແລະ ຕັດເປັນຕ່ອນພໍດີຄຳ.
- ຕັ້ງໝໍ້ໃຫ້ຮ້ອນຈາກນັ້ນ ໃສ່ນ້ຳມັນ ແລ້ວຂົ້ວກະທຽມ ແລະ ໝາກເຜັດສົດທີ່ຊອຍໄວ້ແລ້ວນັ້ນລົງໄປຂົ້ວໃຫ້ຫອມ.
- ໃສ່ຜັກກະເສດລົງໄປ ແລ້ວຂົ້ວດ້ວຍໄຟແຮງປະມານ 1–2 ນາທີ.
- ປຸງລົດດ້ວຍນ້ຳມັນຫອຍ, ແປ້ງນົວ, ນ້ຳຕານ ແລະ ພິກໄທ.
- ຂົ້ວໃຫ້ເຂົ້າກັນອີກເລັກນ້ອຍ ແລ້ວຕັກໃສ່ຈານ ພ້ອມຮັບປະທານ.
ເຄັດລັບ
- ຄວນໃຊ້ໄຟແຮງໃນການຂົ້ວ ເພື່ອໃຫ້ຜັກຂຽວສົດ ແລະ ກອບ.
- ຢ່າຂົ້ວດົນເກີນໄປ ເພາະຜັກຈະອ່ອນ ແລະ ສູນເສຍຄວາມຫວານຕາມທຳມະຊາດ.
