ນ້ຳໝາກອຶບໍ່ພຽງແຕ່ເປັນເຄື່ອງດື່ມລົດຊາດດີ ແຕ່ຍັງເປັນອາຫານທີ່ຊ່ວຍເພີ່ມສານອາຫານ, ຊ່ວຍຟື້ນບຳລຸງສຸຂະພາບຜີວ, ຊ່ວຍບຳລຸງ ແລະ ຮັກສາສາຍຕາ
ວິທີເຮັດນ້ຳໝາກອຶ
ສ່ວນປະສົມ
- ໝາກອຶສຸກ 500 ກຣາມ
- ນ້ຳສະອາດ 500–700 ມິລີລິດ
- ນ້ຳຕານ ຫຼື ນ້ຳເຜິ້ງ (ຕາມຄວາມມັກ)
- ເກືອປະມານ 1 ຈິບ
ວິທີເຮັດ:
- ປອກເປືອກໝາກອຶ ແລະ ເອົາແກ່ນອອກ ແລ້ວຫັ່ນເປັນຕ່ອນນ້ອຍໆ.
- ຈາກນັ້ນນໍາເອົາໝາກອຶ ໄປລ້າງນໍ້າໃຫ້ສະອາດ
- ນຳໝາກອຶໄປນຶ່ງ ຫຼື ຕົ້ມຈົນສຸກ (ປະມານ 15–30 ນາທີ).
- ນຳໝາກອຶທີ່ສຸກແລ້ວໄປປັ່ນກັບນ້ຳສະອາດຈົນລະອຽດ.
- ເທໃສ່ໝໍ້ ແລ້ວຕົ້ມອີກຄັ້ງດ້ວຍໄຟອ່ອນ.
- ປຸງລົດດ້ວຍນ້ຳຕານ ແລະ ເກືອເລັກນ້ອຍເພື່ອຕັດຄວາມຫວານ
- ປະໄວ້ໃຫ້ເຢັນ ແລ້ວສາມາດຮັບປະທານໄດ້.
ເຄັດລັບ:
ໝາກອຶມີລົດຫວານຕາມທຳມະຊາດ ສາມາດຫຼຸດນ້ຳຕານໄດ້
