ຂົ້ວຜັກຫວານໃສ່ໄຂ່

ຂົ້ວຜັກຫວານໃສ່ໄຂ່ ເປັນເມນູອາຫານພື້ນບ້ານທີ່ເຮັດງ່າຍ, ໃຊ້ວັດຖຸດິບຈາກທຳມະຊາດທີ່ຫາໄດ້ໃກ້ບ້ານ, ມີລົດຊາດແຊບ ແລະ ເໝາະສຳລັບການປຸງອາຫານຕາມລະດູການ.
ສ່ວນປະກອບ

• ຜັກຫວານປ່າ ຫຼື ຜັກຫວານບ້ານ 1-2 ກໍາມື (ເດັດເອົາສະເພາະຍອດອ່ອນ ແລະ ໃບອ່ອນ)
• ໄຂ່ໄກ່ 2-3 ໜ່ວຍ
• ກະທຽມ 1 ຫົວ
• ນ້ຳມັນພືດ 2 ບ່ວງແກງ
• ນ້ຳມັນຫອຍ 1-2 ບ່ວງແກງ
• ເກືອ 1/2 ບ່ວງກາເຟ
• ຜົງປຸງລົດ 1 ບ່ວງກາເຟ

ວິທີເຮັດ

1. ລ້າງຜັກຫວານໃຫ້ສະອາດ ແລ້ວພັກໄວ້ໃຫ້ສະເດັດນ້ຳ.

2. ຕັ້ງໝໍ້ໃສ່ນ້ຳມັນ ແລ້ວໃສ່ກະທຽມລົງໄປຈືນຈົນເຫຼືອງ ແລະ ໃຫ້ມີກິ່ນຫອມ.

3. ຕອກໄຂ່ໃສ່ກະທະ ແລ້ວຄົນໄຂ່ໃຫ້ສຸກພໍປະມານ.

4. ໃສ່ຜັກຫວານລົງໄປ.

5. ປຸງລົດຊາດໃສ່ນ້ຳມັນຫອຍ, ເກືອ ແລະ ຜົງປຸງລົດ ແລ້ວຄົນໃຫ້ເຂົ້າກັນ ຈົນຜັກສຸກພໍດີ. ບໍ່ຄວນຜັດດົນເກີນໄປ ເພາະຜັກອາດຈະອ່ອນເລະ.

6. ແລ້ວຕັກໃສ່ຈານ ຮັບປະທານກັບເຂົ້າອຸ່ນໆ ຫຼື ກິນຄູ່ກັບແຈ່ວຕາມມັກ.