ເອາະເປັດໃສ່ຜັກກາດ ເປັນອາຫານລາວທີ່ມີລົດຊາດແຊບນົວ, ຫອມສະໝຸນໄພ, ໄດ້ລົດຫວານຈາກຊີ້ນເປັດ ແລະ ໄດ້ລົດຂົມອ່ອນໆຈາກຜັກກາດ.
ສ່ວນປະກອບ
- ຊີ້ນເປັດ 0,5 ກິໂລ
- ຜັກກາດອ່ອນ 1 ມັດໃຫຍ່
- ຫອມບົ່ວແດງ 3-4 ຫົວ
- ຫົວສີໄຄ 2 ຕົ້ນ
- ໝາກເຜັດດິບ 3-5 ໜ່ວຍ ຫຼືຕາມໃຈມັກ
- ຫອມຊີ 3-5 ຕົ້ນ
- ຫອມບົ່ວໃບ 3-5 ຕົ້ນ
- ເກືອ 1/2 ບ່ວງກາເຟ
- ຜົງປຸງລົດ 1 ບ່ວງກາເຟ
- ນ້ຳສະອາດ 0,5 ລິດ
ວິທີປຸງແຕ່ງ
- ລ້າງຊີ້ນເປັດໃຫ້ສະອາດ ແລ້ວຟັກເປັນຕ່ອນພໍດີຄຳ.
- ຊອຍຫົວສີໄຄ, ຫອມບົ່ວແດງ ແລະ ໝາກເຜັດ.
- ນໍາຜັກກາດໄປລ້າງນໍ້າໃຫ້ສະອາດ ຈາກນັ້ນນໍາໄປຫັ່ນໄວ້.
- ນຳເຄື່ອງທີ່ຊອຍໄວ້ເຊັ່ນ: ຫົວສີໄຄ, ຫອມບົ່ວ, ໝາກເຜັດລົງຂົ້ວໃຫ້ຫອມ ແລ້ວໃສ່ຊີ້ນເປັດ ປຸງລົດດ້ວຍເກືອ ແລະ ຜົງປຸງລົດ ຄົນໃຫ້ທຸກຢ່າງເຂົ້າກັນ.
- ຈາກນັ້ນໃຫ້ຕື່ມນໍາສະອາດລົງໄປ ແລະ ຕົ້ມໄວ້ຈົນກວ່າຊີ້ນສຸກ ຫຼື ຊີ້ນເປື່ອຍ ຕາມຄວາມມັກ.
- ແລ້ວນໍາເອົາຜັກກາດທີ່ກຽມໄວ້ນັ້ນລົງໄປ ແລະ ຕົ້ມອີກຈົນກວ່າຜັກກາດສຸກ.
- ຫຼັງຈາກນັ້ນ ຊອຍຜັກຊີ ແລະ ຫອມບົ່ວໃບລົງໄປ ຊີມເບິ່ງວ່າໄດ້ລົດຊາດໃຫ້ແຊບນົວ ແລ້ວປິດໄຟ.
