ຫມ້ຽງມີຫຼາຍປະເພດ ບໍ່ວ່າຈະເປັນຫມ້ຽງຫົວສີໄຄ ແລະ ຂໍ້ດີຂອງການກິນຫມ້ຽງຄື ຊ່ວຍໃຫ້ເຮົາມີສຸຂະພາບດີເປັນອາຫານສຳລັບຄົນຮັກສຸຂະພາບເລີຍກໍວ່າໄດ້ ເພາະຫມ້ຽງໜຶ່ງຄຳປະກອບໄປດ້ວຍພືດຜັກສະໝຸນໄພຫຼາກຫຼາຍຊະນິດ ບໍ່ວ່າຈະເປັນ ຫົວສີໄຄ, ໝາກເຜັດ, ກະທຽມ, ໃບໝາກໝີ້ເຍົາເປັນຕົ້ນ.
ສ່ວນປະສົມໝ້ຽງຫົວສີໄຄ
- ຫົວສີໄຄຊອຍ 8-10 ຫົວ
- ໝາກເຜັດ 2-3 (ຫຼື ໃສ່ຕາມຕ້ອງການ)
- ກະທຽມ 2 ກີບ
- ເກືອ ½ ບ່ວງຊາ
ວິທີປຸງແຕ່ງ
- ໃສ່ຫົວສີໄຄ, ໝາກເຜັດ, ກະທຽມ ແລະ ເກືອ ລົງຄົກແລ້ວຕໍາໃຫ້ມຸ່ນ
- ຕັກໃສ່ຖ້ວຍ ສາມາດນຳໄປກິນກັບຜັກໄດ້ເລີຍ
ຜັກສຳລັບພັນໝ້ຽງ
- ໃບໝາກໝີ້ເຍົາ
- ຍອດມັນຕົ້ນ
- ໃບອ່ອນໝາກຖົ່ວ
- ໝາກກ້ວຍອ່ອນ (ຊອຍເປັນຕ່ອນນ້ອຍບາງໆ)
- ໝາກນາວ (ລ້າງໃຫ້ສະອາດ ແລ້ວຊອຍເປັນຕ່ອນນ້ອຍບາງ)
ຄຳແນະນຳ:
- ສາມາດໃຊ້ຜັກພັນໄດ້ຫຼາກຫຼາຍຊະນິດ ແລ້ວແຕ່ຄວາມມັກ ແລະ ຄວາມຕ້ອງການຂອງແຕ່ລະຄົນ
- ສາມາດນຳຍອດມັນຕົ້ນໄປລວກກ່ອນໄດ້ ຖ້າຕ້ອງການ
